Lauga - O le malamalama lava le Atua

By Rev. Petaia Setu 16 September 2018, 12:00AM

(Iakopo.1:2-3)

Sa faamasino se tasi tamā matua i le tauvaga o Pese ma Tala faale Tusi Paia. O le toeaina lava o le mafutaga. Lau mai le faaiuga a le toeaina nei, e sili le pese, sili foi le tala a lana vaega. E ui ina matamuli le tamā, a o lana faaiuga sa sa’o lava. Ua atili ai ona taliē le mafutaga ina ua faapea mai le faamasino nei, ‘Ua fiu lava e tau taotao ifoilalolesiliolevaegaleaaelemafai,ealu a’e lava i luga!’ 

Uma foi le faamalamalamaga o le pepa a le isi fai mataupu ae faapea mai le isi uso, ‘E tautala mai lava le poto e poto!’ 

Na tagi talatala mai foi soo o Ioane ma ta’u ia Ioane, O loo papatiso Iesu; ua o atu foi ia te ia tagata uma lava.’ Tali Ioane, E ao ina tupu pea o ia.’ ( Ioane 3:26-30) 

Samoa, tatou te le fatu fua se tala. E le nāmalelāina galuega a Iesu Keriso i le lalolagi nei. E le tau faama’itea foi le silisili ese o le Atua. O upu a le atunuu, ‘E lilo utumā ae ali utumau’u’. Pe nanā le tetea e iloa lava. ‘E ‘io’io mai lava le tamai moa. E ā faresaio e tanu ma faata’uleagaina, ae fai mai lava le tagata tauaso, ‘O le perofeta lava ia.’ (f.17). Ioe, e le mafai ona lilo i lalō. Auā o le malamalama lava le Atua. 

O le upu ‘malamalama’, o le upu e ‘ānoa. E loloi uma iai manaoga o le galuega faaola (Ioane1:4). Sa faavae ai le fetuunaiga o le tofā na faasau i luga o le fogātai (Kenese1:2-4). A tautalagia le malamalama i le mataupu nei, o lona uiga ua tatou vaavaai i le ola mai le Atua; o le poto ma le silisili ese o le Atua. O uiga mamana ma le paia ia o le Atua a aumai i luma, ona osofai lea e finauga (f.16, 29). A āgiga i lumāmea, ona lalau lea o le fouvale ma le faavalevalea (f.28,34). O le faapogai, ua soli le sapati. Silasila i le f.30. Ua ofo le tagata sa tauaso ina ua le iloa e le au faresaio Iesu! Oka! E faapefea ona faamamapo i le Atua ae le o iloa le Atua? O ā tulafono o faamaopo ae le o malamalama i le faa’autagata o le tulafono? Lē malamalama i le galuega lavea’i pe maifea? O le lalolagi lea o lo o fenumia’i pea (Ioane 1:5). O le galuega faaola; ua pupula. Ua ola. Ua sa’oloto. 

O faiva ia faasapati. E aumā le sapati ae oti ai le ma’i? O Iesu Keriso, o le Sapati. E fiu lava la faresaio e vau, e le pona’ia le moni o le mau, o le malamalama lava le Atua. 

O le tagata mata’u i le Atua, o le tagata mafuta iaileAtua.Emafiileolaviviimaleolatapuai. E faalologo i le Atua i lona olaga atoa. E le vale tuulima foi sona mana’o. E alofagia e le Atua, auā e faamaoni i mea uma ua finagalo ai le Atua. E lagona foi e isi tagata lona tausaafia i le Atua (f.16 b). E atagia i lona ola uiga mamā o le Atua. Na te faamalamalamaina tagata uma lava i lona maliu mai i le lalolagi (Ioane 1:9). O foliga ia o le poto e mafuta i le Atua. Poto lē gaoiā mai le mata’u I le Atua.Poto faaaoga tatau ina ia malamalama tagata uma, o le Malamalama lava le Atua. 

O le mea fou! E lei tupu muamua talu mai le vavau. Ua pupula mata o le tagata sa fanau mai o tauaso. Pe iai ea se mea e faigata i le Atua? E mafaia mea uma lava e le Atua. E manino mea uma i lana silafaga ati. O lona silisili ese e mai le vavau lava ia. Na te faia mea uma lava ua finagalo lava ia iai. O lona finagalo, ia le fano se tagata e faatuatua atu ia te ia – ‘a ia malamalama. Ia ola; o le ola foi o le malamalama lea o tagata. O le malamalama foi, tatou te molimauina atu ai le silisili ese ole Atua i le lalolagi. Ia fegaoioia’i lona malamalama i loto pogisa, ma ē o lo o tauaso pea i lenei olaga. 

O le aotelega o lagona o le atalii nei (f.1), o le ola, o le poto, o le silisili ese male mana e ā le Atua ia (f.33). Fai mai Iesu, “E le mafaia e outou ona fai o se mea e tasi pe ‘a a’u le iai.’(Ioane 15:5). O Iesu Keriso e atoatoa ai mea uma. O ia e matala ai faitotoa uma. E saoloto ai tagata uma; e manino ai mea uma o lo o faanenefu. E olioli ai mafutaga; e malamalama ai sootaga auā o le malamalama lava ia. 

Se a se faafitauli o ‘e nofo ma oe? Faailoa I le malamalama. Sole, na o le malamalama lava e maninoai,efālēai,eto’aIai,etemapuai.Etelē sa’oloto i se olaga tauaso. O le malamalama e sufi ai, e auli ai, e teu ai, e faalelei ai, ma fealofani ai. 

‘Aua e te taumafai e tanu auā e tupu a’e; pe 

nanā auā e ‘io’io mai. Tautala i luma. Ia agiga i lumāmea. Tatou savavali i le malamalama o le Alii (Isaia 2:5). 

Ia manatua, o ō tatou faafitauli, o ma’i ma vaivaiga eseese e faaalia ai le mana ma le silisili ese o le Atua. O le tele foi o taimi ua tatou gūgū eta’umafaailoaatulealofaoleAtuaiateoema lou aiga. Auā ua le tasi pe lua ni mea ofoofogia ua faia e le Atua i lou olaga, i lau galuega, i lou aiga ma lau fanau. Ua pupula ou mata. Ua maua lou malosi. Ua e saoloto. Ua faaeaina oe; ua e ola! Maifea? (f.30). 

Soo se mea lava tatou te iai, ua lamatia ai le molimau i le malamalama. Peitai e ao ina tatou iloa, o tatou o fanau ale malamalama. (1Tesalonia 5:5). Tatou te le tautala faa’alo’alo pe faaufiufi i se mea. ‘Aua le vaai faale tagata auā o le olaga lena o le tauaso. Aua le manumanu i tofi ae faailoa le mea moni. Soo se tauaso lava a le tiapolo e maua loa oso loa I le faalii (f.28,34). A o le tagata ua mata’u i le Atua ma fai le finagalo o le Atua, e faafofoga le Atua ia te ia. E faaalia ia te ia le malamalama o le Atua. 

Samoa, o lo o tatou iai i le vaitau o taaviliga o savili ma feagia’iga o le tuāoloa. O lo o taumalua solo atu ai ma le anoanoai o tauaso o lo o leiloloa. Fa ‘ita lava o seki lou olaga, ae mea ane o oe le isi tetee i le malamalama! 

Alu loa i Seloa. O Iesu Keriso ia, o le Auina mai a le Atua i le lalolagi, na te faamalamalamaina tagata uma lava I le uiga o le Atua. O le alofa lava ia. O le Faaola o le lalolagi. O lo tatou Malu ia ma lo tatou olataga. Na te faia vavega ma faailoga tetele i o tatou olaga. Na Ia faia le palapala ua nini a’i lou olaga, ina ia ata mai i lou ola foliga o le malamalama. Talitonu nei loa i le mana faaola o Keriso, ma molimau, o le perofeta lava ia. O le malamalama o lou agaga. E leai se pouliuli ia te ia. (1 Ioane 1:5). 

Aua o le malamalama lava le Atua. 

Amene.

 

(Telefoni: 25125 / 7737063) 

E-mail: [email protected]

By Rev. Petaia Setu 16 September 2018, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>