Ole faaitauli masani ile suavai ma le Eletise

By Lizzy Hunt 16 August 2017, 12:00AM

Ua taugata le tau ole soifuaga ae ale galue malosi lava le tagata ma taumafai, ele mafai ona maua se mea aoga ma se fesoasoani mo o tatou aiga.

Oloo sologa lelei meauma i totonu o si matou aiga e oo foi i si o matou nuu ae ua nao sina faafitauli itiiti lava oloo matou faafesagai nei i lea aso ma lea aso ole faafitauli lea ile itu tau suavai ma le eletise.

E leo se faafitauli fou ile faalogo a tagata ae peitai ole faafitauli lava lea ua faalogo ma talanoa faafia ai tagata i totonu o si o latou afioaga.

“O si o matou aiga e tele na faafitaulia i le itu tau eletise ma le suavai e fai ma pe i isi taimi ae ah pe e oo atu lava ile vaiaso atoa o pe ole mea foi lea ile matou eletise.

O se faasoa lea o se tama e 60 tausaga le matua mai le nuu o Salepoua’e ina ua maua sona avanoa e fa’atalatalanoaina ai ma le fofoga o Samoa ao ia agai atu i lona fale.

Na faasoa mai foi lenei tama e 60 tausaga le matua ile tau ole soifuaga.

“ I taimi nei, ou te iloa ua siisii i luga tau o oloa ae eleo se mea e popole ai ona oloo mafai lava ona tatou ola i meaai mai le maumaga ma le sami e aunoa ma mea mai le faleoloa.

“Ua na’o tagata paie lava e fai mai ua leai se faamoemoe ae oloo iai le eleele ma le sami na aumai ele Atua e galulue ai tagata ina ia maua ai meaai ina ia aua nei ola fiaaai.

E toa 5 le fanau a Sauila Titiona, e faigaluega isi ae aooga isi.

Ia te ia e sili lava le ola galue ile faatoaga.

“I le olaga lenei, ua leo toe maua fua se mea ua nao fau o faatoaga ma ia mai le sami.

“O mea uma tatou te o aumai i le faleoloa e faatau uma i tupe e oo lava i le eletise ma le vai, o isi taimi e pay ai tupe ae ele umi ona lelei pe faaoga nimea tatou te o faatau mai.

Mo Sauila ma si ona aiga, e mafai lava ona latou gafatia le tau ole soifuaga ae ua pau lea o se faafitauli i si o latou aiga ole sauvai ma le eletise e fai ma pe i lea taimi ma lea taimi.

E manaomia e i latou le eletise ma vai ina ia ola i taimi uma ona o isi taimi e umi ai lava ona pe e oo atu lava i vaiaso ona pe, aemaise lava i taimi oloo latou manaomia ai le vai ma le eletise.

By Lizzy Hunt 16 August 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>