Fa’amanatu le Aso Sa o Tamā

By Ilia L Likou 16 August 2016, 12:00AM

E ese’ese lava tapenaga o le fa’amanatuina ai i totonu o le atunu’u o le Aso Sa o Tamā i le tele o Ekalesia i Samoa nei.

I le Ekalesia Fa’apotopotoga Kerisiano i Samoa i le afio’aga o Vailoa Palauli, na pule lava le tamā i lona ofutino lanu e na te la’eiina, o le fa’amoemoega ia ogatusa ma le ‘autu o le ‘aso – ‘E fou taeao uma’.

Na saunoa le Susuga i le Fa’afeagaiga i a Siaosi Leleimalefaga i le taua ai o le fa’amanatuina o le aso o tamā i lea fo’i faiga i lenei tausaga.

“E lima pitonu’u na vaevaeina ai tamā o le Ekalesia, e pei ona i ai ia Nu’ualofa, Tualagi, Vailoa Uta, Tailelei ma Lealaoali’i,” o lana saunoaga lea.

“E tele fa’atinoga ese’ese a tamā na fa’atinoina e pei o lauga, tala fa’atino, siva fa’aleagaga ma le tele lava o isi vaega sa i ai totonu o le Polokalame.

“O lea le fa’amoemoe tele lava ia mafai ona avea pea le aso lenei ma aso e fa’amanatu ai i le tele o tamā le taua o lo latou sao i totonu o aiga, Ekalesia, afio’aga ta’itasi aemaise le atunu’u atoa.

By Ilia L Likou 16 August 2016, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>