Faiga pi’opi’o ma tau fa’asese

16 February 2016, 12:00AM

Fa’aliliuina: Ilia L Likou

 

O lo’o ua su’esu’eina nei e le Ofisa o Faigapalota ni tu’ua’iga e fa’atatau i faiga fa’api’op’io o lo’o ua alia’e mai nei ina ua liliu ai se tasi se palota a se tasi o sui e aunoa ma lona silafia.

Na fa’amaonia mai e le Sui Ofisa Sili o Faigapalota, Faimalotumua Mathew Lemisio lea tulaga. Na ia ta’ua o le taimi nei e ono o’o le mataupu i Leoleo mo su’esu’ega.

O lea mataupu na tula’i mai i le vaiaso na se’i mavae atu nei ina ua maua e se tasi o komiti o se sui tauva mai le itu sasa’e o le taulaga lea tulaga.

“E pei o i tonu na ou iloa o lo’o ua ma’ea ona sui le itu e resitala ai lo’u aunty mai i le taito’atasi i le lola a le itu Tu Taulaga a Vaimauga i Sisifo e aunoa ma lona iloa po o se tusi na ia tusiaina mo le faia ai o lea tulaga,” Asiga*, o se tasi o aiga o lea tinā i le talanoa mai ai i le Observer.

Na fa’afeso’ota’i e le Komiti le Ofisa o Faigapalota.

“Na o latou fa’amaonia fa’amatalaga uma ina ua su’esu’eina e pei o le fa’amaoniaga o lona suafa (aunty), aso fanau ma isi lava fa’amatalaga.“E pei o i’ina la sa iloa ai le teletele o le fa’aletonu – ina ua iloa i totonu o lana faila (aunty) o lo’o i ai fa’amatalaga uma e fa’atatau i a te ia (suafa, aso fanau, afio’aga, suafa o matua, ma isi) ae o lo’o i ai ma se saini e sese, fa’atasi ai la ma le tusi mai i le pulenu’u (Fa’apea lava a’u ia e leai se pulenu’u o le matou pito),  o lea pulenu’u e le’i fetaui muamua ai lava lo’u aunty pe fa’alogo ai fo’i muamua.”

Sa ta’ua e Asiga o lenei tulaga na fa’ate’ia tele ai lo latou aiga.

“E leai se malamalama tele i fesuiaiga o resitala nei.

“Ua fa’ate’ia tele a’u ona o le mafai ai lea e lenei tagata ona o’o atu i totonu o le Ofisa o Faigapalota ma fa’atinoina lea tulaga e aunoa ma se fa’atagana mai lo’u aunty, po o se mea fo’i e fa’amaonia ai.”

O le itu pito sili ona malie,

“A’o faia ai fa’atalatalanoaga, ae avatu loa e le Ofisa o Faigapalota le tinā lea na ia sainia le resitala, na ta’utino lo’u aunty e na te le iloa lea sui ma e talu na soifua e le’i va’ai muamua lava i ai, ma ou te iloa lava o lea fafine na totogi tupe e se tasi.”

O lea tinā na fesiligia e i ai se ‘a’afiaga o lona soifua maloloina mai le stroke i taimi ua te’a.

“O lo’o lelei uma lava mea uma o lona tino, se’i vagana ai e i ai se fa’aletonu i lana savali, ma le tautala, ma o se popolega tele o le fa’ateleina ai lea o le tula’i mai o lea tulaga i le fa’atinoina ai o tiute i totonu o le Ofisa O Faigapalota.

“O lo’u iloa i ai e tatau lava ona iloa e le pulenu’u lea tulaga e pei ona ua tula’i mai.

I le fesiligia ai la o Faimalo na ia ta’ua ai na taliaina e la latou Ofisa le tusi na o’o atu mo le suia ma le liliuina o le palota.

Saunoa Faimalo“O lea fa’aiuga na faia lava e fa’atatau tonu i fa’amatalaga na tu’uina mai e pei ona mana’omia. “O ia fa’amatalaga e aofia ai le fa’amaoniga mai le pulenu’u aemaise o le tusi a le matai le nofo o lea tagata i totonu o le Itumalo o Vaimauga.

 “Ina ua tu’uina mai le pepa fa’atumu i le aso mulimuli o le resitala ma o minute mulimuli fo’i ia tapunia le resitala, e le’i mafai e le ofisa sa ia tu’uina atu le au’aunaga ona iloa sa’o le tagata e pei ona ta’ua. 

“O lo’o i ai lava masalosaloga o se sui o se komiti o se sui tamo’e o lo’o i tua le fa’atinoga o lea tulaga.

Sa ia saunoa o lo’o ua sauni e tu’uina atu le mataupu i leoleo.

*E le o le suafa sa’o lea o le o lo’o ta’ua.

 

16 February 2016, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>