E fia ‘avea a’u ma tusitala

By Sarafina Sanerivi 15 January 2017, 12:00AM

“Ae  ou te fia faigaluega la i le nusipepa.” O lea le miti o lo’o ua  va’ava’ai ai Mika Fa’afetai i le lumana’i pe a uma ana aoga.

O Mika ua 14 ona tausaga o Sataoa, ma o le tausaga fou,  o le a amata i le Vasega 9 i le Kolisi o Faleata.

“Ia o le taimi lenei e pei o lea le tulaga o lo’o ua va’ava’ai atu ai, o a’u ou te fiafia lava e faitau le nusipepa i so’o se taimi ou te mauaina ai.

“Ou te iloa e tele fo’i na ta’u mai e Tuilaepa i luga o le leitio le Observer, ma e tele lava ina talanoa ai tagata i le tele o taimi.

“Ou te iloa e le’i taitai ona ou matua , ae ua avea lo’u fiafia e faitau ma matamata ai ata o tama ta’a’alo lea e masani ona aumai ai.

“Ua ou mana’o ai lava ou te faigaluega ai, o nisi o taimi e fai ai a matou mataupu ia e tele lava ina matou fa’aaogaina ia auala o feso’ota’iga.

“E pei o le isi lea taimi ou te fa’alogo ai ae ta’u le Observer, ia o totonu fo’i o potu aoga ia e tele lava ina fai a matou galuega e fa’aaoga ai le nusipepa.

O a ni vaega o lo’o va’ai i ai le taimi nei ina ia taunu’u ai lau miti.

“Ia ou te iloa a ou le alu le aoga ma fai fa’alelei a’u meaaoga ailoga a taunu’u la’u miti, ia lea o le a ou alu atu i Apia i le Kolisi o  Faleata.

“O le a ou taumafai lava ou te usita’i, o le isi itu na fai mai ai la’u faiaoga i a te a’u, ia ou toaga e faitau tusi ma tusitusi.

“Ia o le isi mea lena o lea ou te fiafia ai lava e tusi a’u tala e fa’atatau i lo’u aiga...ae le tele la e pei ona tele o tala o lo’o i le nusipepa.

“Ua ou fiafia fo’i la o lea o le a ou aoga i Faleata o le a ou va’ai ai le Ofisa o le observer ona ou te leiloa e tu ai.

“Ou te fia matamata le taimi lenei pe fa’afefea na lolomi le pepa, pe fa’afefea na tusi, ae o ai tagata e tusi fa’atatau i ait ala.

“Ia masalo o se aso a lenei tausaga, ae o le taimi lenei ia lea la’a a’e aoga o le a ou alu ou te aoga ma lo’u iloa ou te faigaluega i le obsever i le lumana’i.

By Sarafina Sanerivi 15 January 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>