Ia feagaleleia’i

By Sarafina Sanerivi 15 January 2017, 12:00AM

O le tamā i a Asi Leota, 50 le matua o le soifua o Avao Savai’i na maua le fa’atalatalanoaga ma le Fofoga o Samoa i le aso ananafi.

“I a te a’u ia o fea lava le itu o si o tatou atunu’u e nofo ai, ae a lelei ona fa’aaoga lelei le taimi aemaise o le mafaufau i fe’au ma so’o se atina’e mo le lelei o aiga o lea le itu e pito sili ona taua.

Na fa’ailoa e Asi  e tele vaega ele’ele o le aiga o lo’o galue ai le taimi lenei.

“E pei o lea lava le olaga o lo’o i ai, ma o a’u e tele ina ou fealua’i solo e fa’amama fanua nei , o se tasi o o’u uncle i Niu Sila ma nisi o le aiga.

“Ia e le fa’ailogaina lava e a’u po’o ai e ana le fanua lea, o le itu e pito sili ona taua , ia o lo’u sau e fa’amama ia ma fa’aaoga lelei le ele’ele e totō atu ai nai fa’i o talo, kukama ma nisi o vaega.

“O la’u lea galuega, ou te tau le vili fua la i o ma o , o lea ua ou fa’amamaina a latou fanua, ae o lo’u ia lea fiafiaga, o le galue ma fesoasoani i nisi o si o matou aiga.

“O le ele’ele fo’i o Samoa, a lelei lava ona fa’amili lelei fuāla’au e ola lelei lava, ma o se itu pito sili lea ona taua.

“Ia ou te iloa fo’i e le umi lava se taimi e tu’u ai lalo le palapala, ia ona ola mai lea.

“Tatou te fa’afetai ona o lea le tulaga o lo’o mana’omia i le taimi lenei, o ele’ele ia o Samoa o lo’o fau ma soloi.

O lona talitonuga, e leai se itu e pito sili ona taua nai lo le galulue ma atia’e so’o se itu mai le loto lelei.

“E pei o lo’u lea iloa i ai le taimi lenei, afai tatou te fa’atalitali i se vavega e aumaia i a’i tatou ni manuia, ia ailoga e tupu lena mea.

“Aepeita’i o le galulue fa’atasi, o le le lelei o feso’ota’iga i aiga o le a mafai ai ona faigofie o so’o se itu o lo’o o tatou taumafai i ai.

“Ia fa’amalosi atu le isi i le tasi, ae leo le tulaga fo’i lea e va’ai atu lava la’a o’o atu le isi tagata i le tulaga e le lelei ae tu’u ai lava.

“O le olaga lena, o i tatou, fefa’asoa’i finagalo ia ma ave fautuaga e talafeagai mo se o fia maua le fesoasoani.

“Ou te iloa o si a’u fo’i lea tu’ualalo , o le lelei o le ola feso’ota’i i lagona ma finagalo e manuia ai so’o se taumafaiga.

“O le feagalelei a’i lava e fausia ai aiga malosi.

By Sarafina Sanerivi 15 January 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>