Tuua e le Ofisa Sili o Pulega lana galuega ona o le fia ulufale i le Palemene

15 January 2016, 12:00AM

Tusia - Lanuola Tupufia 

Faaliliu e Seagaitumua Tupuola

 

Ua tuuina atu e le Pule Sili o Auaunaga Tau le Soifua Maloloina Lautele, o Leota Laki Sio lana faamavaega. Ua na faia lea tulaga ona o loo fia tauva mo le nofoa o le Palemene mo le Itumalo o Palauli Le Falefa i le Faiga-Palota Lautele ia Mati. 

O lea nofoa o loo nofoia i le taimi nei e le Minisita Muamua o Tupe ma le Minisita Lagolago o Puna’oa Faale-Natura ma le Siosiomaga- o FaumuinaTiatia Liuga. I sana faaaliga i le Samoa Observer ananafi, na faamaonia e Leota lna faaiuga. Na te lei fia talanoaina lana fuafuaga mo le faiga-palota ae fai o ia mea uma o le a faaalia lava i le taimi e tatau ai.

Na ‘ausia e Leota lona lua o lona vaitaimi galue e ala i se feagaiga e tolu tausaga e avea ai ma Pule Sili i le taimi na ia tuua ai lana galuega. Ua toe limasefulu-tasi aso ma le Faiga-Palota Lautele, o pepa faalauiloa o le faatosina a Leota o loo vaaia i le motu o Savaii i le salafa o le itumalo o Palauli ma i Salelologa.

A’o lumana’i le faamavaega a Leota, sa aloa’ia o ia e ala i se faailoga tau Ta’ita’iga lelei i le faagasologa o le tufatufaina o faailoga a le Komisi o Galuega a le Malo.

Na faaalia i lea faailoga e faapea sa matua lelei le faatinoina e Leota o lana galuega i le itu tau “galuega mo le faaleleia o paaga i totonu o le atunuu ma paaga faava-o-malo e maua ai tupe mo le lagolago e tatau ai mo le atiina a’e o Auaunga tau le Soifua Maloloina Lautele, oloa tau vailaau ma le lagolago lautele.”

O lea faailoga na faaalia ai le ta’ita’iga a Leota lea na manaomia ai o ia na te faatinoina suiga, e aofia ai ma le toe faatulagaina ma le atiina a’e o auaunaga e pei o le fausia o fale fou o le falemai.

.Na tauaveina e Leota le tulaga o le Pule Sili mo Auaunga Lautele tau Soifua Maloloina ina ua vavae ese mai le Matagaluega o le Soifua Maloloina. Ua leva ona faasalalau lea avanoa faigaluega.

I le taimi nei, o loo avea Matasese Soi ma Sui Pule Sili.

15 January 2016, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>