Le Lava le fa’asoa

Tusia Ulimasao Fata ,

25 Hits

Koama Seve 40 tausaga o lona soifua mai le afioaga o Alamagoto.

Koama Seve 40 tausaga o lona soifua mai le afioaga o Alamagoto.

$90 I le lua vaiaso ma tausi ai le fanau e to’aono, o se mafatiaga tele lea tulaga.

O le tulaga lea o lo’o iai le olaga o le Tina ia Koama Seve 40 tausaga o lona soifua mai le afioaga o Alamagoto.

Saunoa le Tina ia Koama o le olaga ua iaia nei Samoa ua matua taugata ma ua faigata lava.

“E na’o le to’atasi lava le o lo’o faigaluega I le matou aiga ua na’o si o’u to’alua, ae o ituaiga galuega foi na e totogi ta’i lua vaiaso, o lana lea saunoaga I le Fofoga o Samoa a’o ia aga’i atu e asi lona aiga I Nu’u I le aso ananafi.

“O le tele lava o taimi e na’o $90 le tupe e maua mai I le lua vaiaso ona o le tele lava o le seleni e fa’aalu I le toe totogi’ina o nonogatupe sa faia muamua.

“E to’aono le ma fanau ma o lo’o aooga uma I latou, ae o le fa’afitauli lava lea ua iai nei o le faigata lea o le sailiga o le seleni aua le tausiga o le aiga.”

Saunoa le Tina ia Koama o le tupe maua mai le totogi a lona to’alua I le lua vaiaso e matua le lava lava mo le tausiga o le latou aiga.

“O le tupe maua mai le galuega a si o’u to’alua I le lua vaiaso e matua le lava lava mo le tausiga o le matou aiga, ae fa’afetaia pea ona o le mea ua maua.

“O le taimi lava e maua ai lana seleni mai lana galuega, o le taga araisa lava le mea e muamua fa’atau e fa’asoasoa mo le vaiaso atoa ina ia toe maua mai le isi seleni ae o lo’o iai lava.

“Ia o le tele lava o le araisa lava I le vaiaso atoa ia ma le eleni e iga’i ai a le’o lena foi ua na’o le araisa lava ma le ipu ti uma le afiafi.”

Na saunoa foi le Koama o le mea e pito sili ona faigata ia te ia ona o le l;aiti o lana fanau.

“O la’u atali’i matua e 15 ona tausaga ae o lo’o taumafai pea le mea e gata ai le mafai I le taumafaiga o latou a’oa’oga.

“O le tau o le soifuaga ua iaia nei Samoa ua matua afaina ai lava le matou aiga ae o le mea o lo’o naunau ai ia a’ooga pea le fanau.”

Na saunoa foi le Tina ia Koama I le faigata o le le lava o le fa’asoa I le lua vaiaso.

“O le tala moni lava, o le matua faigata lava o le olaga I le la’ititi lea o le seleni e fa’aaoga mo le lua vaiaso.

“Po’o le a lava le lelei o lau fa’asoa, e le mafai ona lava lea $90 e te fa’asoaina I le lua vaiaso.

Afai ua e fia fesoasoani mo le Tina ia Koama ma le aiga, Fa;afeso’ota’i le numera lea o le +685 7780782.

© Samoa Observer 2016

Developed by Samoa Observer in Apia