E leai se mea e maua ma se filemu

By Aruna Lolani 14 June 2017, 12:00AM

O le maua ai le fa’atalatalanoaga le Fofoga o Samoa ma le tinā ia Elena Sautupe o lo’o fagota ma si ana tama o Toli i le tau su’eina se i’a mo se seleni ma se mea’ai foi. 

“Ia o matou nei, e leai se eletise, ua 30 tausaga talu na lē mu le matou moli se eletise,” o lana lea tala i le Fofoga o Samoa. 

“O le lava le fa’asoa ma e seasea maua se seleni. 

“E pei o le sami lava o lo’o fa’alagolago iai. O le ola si o matou aiga e maua mai le sami. 

Na ia ta’ua e pei o le tupe lava fa’afitauli tele o lo’o feagai ai nei. 

 “Ia e tele  lava le ese’esega pe a  va’ava’ai atu i aso ua alu ma nei aso.” O lana tala mai lea.

Ia o la aso e pei sa faigofie lava mea ae o nei aso ia ua leai lava se vaega  o toe faigofie. 

 “E pei o tupe lava mea uma ae o le taumafai lava e atia’e lelei aiga, aua le aga’i ai le lumana’i. 

 “Ia aua e fai tamaiti i le aoga, ia ae o le taumafai ai fo’i ina ia fesoasoani tele i le mau fa’alavelave mai lea aso i lea aso. 

 “Ia e fa’aamuia lava i le tele o aiga, o lo’o o latou fa’aaogaina lelei nei tupe i taimi uma. 

Na ia ta’ua o lona to’alua o lo’o fesoasoani tele i tupe o lona aiga. 

“Ia e pei o lea lava le soifuaga o lo’o ua i ai le taimi lenei, o le taumafai lava o le tagata e atia’e  lona aiga aua le lelei alu i luma o le soifuaga. 

“O lea lava fo’i le fa’anaunauta’iga aua le aga’i ai luma o le  olaga o lo’o ua tatou i ai nei.

“O le leai se paoa e le’o se tulaga matui a  lea o le tupe lava pei a leai se tupe e leai se fa’amoemoe o aiga. 

“O le manatu le tinā o si ona to’alua lava o lona fa’amoemoega sili lea. 

“E pei o si o’u to’alua lava  e fa’amoemoe iai le ma galuega fai. 

“E ave le fa’amuamua le ma fanau ina ia maua ni lumana’i manuia. 

“O lo latou lumana’i e sili ona taua.

By Aruna Lolani 14 June 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>