E to’a-luasefulu tagata talavou na faau’u mai se aoaoga tau tomai masani e tolu vaiaso na faatino e le Nofoaga o le Aganuu a Samoa, o se nofoaga autu aloa’ia lea o le poto masani  i le tofi faale-aganuu o Samoa ma le leai o se tagata aloa’ia na tuuina atu lea a’oa’oga na faamaonia e le Pulega o Tusi Pasi a Samoa.

E sefulu ma le tasi tamaitai ma le to’aiva o alii sa aoaoina tomai faale-aganuu tau le galuea’ina o le siapo, lalagaina o fala, vaneina o laau ma le fausia o paopao.

O lea aoaoina o tomai masani sa faatinoina e avea ma vaega o le Malo o Samoa ma le Tasi-o se Polokalame Tau Galuega a Malo Aufaatasi mo Tupulaga Talavou. Faatasi ai ma se lagolago tau tupe ua tuuina mai e le Faalapotopotoga a Malo Aufaatasi mo Aoga, Faa-Saienesi  tau Aoaoga ma Aganuu (U.N.E.S.C.O) ma le Polokalame Tau Atiina A’e a Malo Aufaatasi o le  (U.N.D.P).

O lea aoaoga sa fuafuaina ma tuuina atu e tali atu ai i le mana’o tau maketi mo le faateleina o le poto masani ma le iloa o le tofi faale-aganuu o Samoa, mai le vaega o turisi a le lalolagi faapea foi ma mea e maua mai polokalame a a’oga ma tagata lautele, ma mo le faaalia i totonu o le atunuu ma sauniga tau aganuu a itulagi.

O le Polokalame Tau Galuega a le Autalavou a le One-UN o le a tuuina atu ai le lagolago mo aoaoga mulimuli ane mo tupulaga talavou e faau’u mai le Nofoaga o Aganuu a Samoa, ina ia mautinoa ai e mafai ona latou faaaogaina o latou poto msani ma le iloa e maua ai avanoa tau galuega ia o loo maua i totonu o alamanuia tau le aganuu ma le vaega tau turisi. 

O le One-UN Polokalame Tau Galuega a le Autalavou o loo taiulu ai le Vaega mo le Autalavou a le Matagaluea o Tama’ita’i, Atiina A’e o Nuu ma Aga Fesoota’i, faatasi ai ma le lagolago mai sui sooupu e to’alima o Malo Aufaatasi (U.N.D.P, I.L.O., F.A.O, U.N.E.S.C.O. ma le U.N.V) ia ua tuufaatasi i totonu o se faiga a Malo Aufaatasi e igoa o le ‘Tuuina atu e avea ma taumafaiga e Tasi.

O Fuimapoao Naea Beth Onesemo Tuilaepa, le Ofisa Sili o Pulega o le Matagaluega o Tamaitai –le Atiina A’e o Nuu ma Aga Fesootai, o le lauga autu lea o le sauniga o le faauuga, lea na faatino i le Nofoaga o le Aganuu a Samoa i Falelauniu.

Na muamua i le lauga a Tamaitai nisi o upu faamalosi-‘au i le tagata talavou mai Alain Godonou,  o le Faatonu o le U.N.E.S.C.O. na ia faafetaia taumafaiga a tupulaga talavou i le puipuia ma le siitia o le tofi faale-aganuu o Samoa.

“Matou te faafetaia le Nofoaga o Aganuu a Samoa mo lana galuega taua tau le fausia o tulaga gafatia o lenei vaega o tupulaga talavou. Ua i ai lo matou faamoemoe a itiiti mai o le to’asefululima o i latou o le a latou maua ni galuega totogi talu ai le toe faaleleia atili o latou poto masani.

O le taunuuga lelei tele lenei mo la tatou polokalame soofaatasi ma Malo Aufaatasi, talu ai- o lona uiga- ua taunuu manuia a tatou taumafaiga mo ni avanoa lelei tau galuega mo tupulaga talavou o Samoa.”

Fai mai Maulolo Tavita Amosa, le Faatonu o le Nofoaga o Aganuu a Samoa: “O lenei polokalame e faigofie ona maua ai se si’osi’omaga  lelei e una’ia ai tupulaga talavou lelei e aoaoina ma faaaoga o latou tomai ua maua mai aoaoga e avea ma ala muamua e maua ai sina tupe maua mo i latou.

“Matou te faafetaia le M.W.C.S.D ma Sui Sooupu o Malo Aufaatasi mo le tuuina mai o tupe mo le aoaoga. Ua matou fiafia tele i le taunuuga o lenei galuega ma matou te faamoemoe  e toe siitia i luga.”