Mana’omia se fesoasoani

By Ilia L Likou 14 March 2018, 12:00AM

O lea le talosaga a le tamā o Ipuniu Ioane i le fa’atalatalanoaga ma le Fofoga o Samoa i le vaiaso ua tuana’i.

“Ia e pei ona outou silafia ai o se tulaga  faigata tele lea o lo’o ua feagai mai matou nei i uta i Tapatapao pe a o’o mai timuga po ua leaga foi le tau.

“Mo le silafia ai o le tele o le mamalu o le atunu’u o lo’o ua alala i uta nei ia e manaomia lava le fa’aleleia o auala.

“Aua o le tele o nai aiga o lo’o ua latou fa’aaogaina ta’avale ia ma e matuai le talafeagai le tulaga e o’o ai le ta’avale pe a o’o ina timu.

“O se itu e ao lava ona silasila i ai le taimi lenei, ona o le faigata o le tulaga ua o’o ai nei.

Na ia fa’ailoa o se itu lelei tele lea mo le agai ai le lumanai.

“Ia e pei o  le mea masani lava e tatou te fa’alogo a lelei i Apia e lelei foi isi vaega o le atunu’u.

“O lea lava le  talosaga e tu’uina atu pea i le malo sei alofa mai i uta nei.

“O le tele o fa’atoaga a le atunu’u o lo’o i uta nei ma e manaomia lava se faiga e fai ai aua le agai ai le lumanai.

“Ina ua uma atu le afa ia matuai leaga lava le auala agai atu lo matou fale.

Na ia fa’ailoa foi e le na’o le pau lea o le fa’afitauli o lo’o feagai ma i latou.

“O le suavai le isi vaega o lo’o feagai ai nei ma faigata ona e le o’o mai uta nei le suavai a le malo.

By Ilia L Likou 14 March 2018, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>