O lo’o i ou lima le lumana’i

By Fetalai Tuilulu’u 14 March 2017, 12:00AM

So’o se atina’e lava e afua mai i totonu lou aiga, o lea le manatu i le Tinā ia Maina Aukuso o le afioaga o Solosolo i le maua ai o le lā fa’atalatalanoaga ma le Fofoga o Samoa le aso ananafi. 

O le tinā e 55 tausaga le matua o le soifua ma sa lē mafai ona pu’eina sona ata ona o tulaga lava tau i aiga, ae o le fiafia lava o le tinā e fa’asoa mai sa mafai ai lava ona faia le fa’atalatalanoaga. 

“O atina’e e amata mai lava i aiga. O lana lea tala. 

“O so’o se aitna’e lava e afua  mai i aiga aua foi a e lē silafia atia’e lou aiga e te lē silafia foi aita’e le atunu’u, ma o lea foi le itu e iloa ai le aua le ola fa’amoemoe ma le ola fa’alagolalago i so’o se tagata. 

 “O tatou lava le fa’amoemoe o aiga ma le ola atina’e o aiga taitasi aua o le tagata lava i ma lana atiana’e e toe manuia ai. 

“O lou galue malosi e le peni ae maua fa’amanuiga. O galuega lelei ma galuega faigata o lo’o faia e le tagata i le atina’eina o aiga e toe selesele ai i le taimi mulimuli.  

“A fa’aaoga tatau foi le taleni e lē pine lava lou tali. 

Sa fa’alia foi e le tinā e ui lava i totonu o aiga e iai lava se vaega se tasi e mana’omia peitai ae le aunoa ma le galue malosi ma le ola finau e leai lava se tali lelei e maua. 

“Pau o lea, aua le nofoa’i, aua fo’i le faitio ae galuega malosi aua o le soifuaga nei tusa lava po le ā le tele o tala i le taugata o le soifuaga e le mafai ona foia lea fa’afitauli pē a le galue malosi ma aua le ola fa’alagolago. 

“Aua le faitio le malo i le taugata, ae ao ona tatou galuega pūnoua’i aua o tatou galuega lava le tali o fa’afitauli. 

“Tou silasila foi, ua tele lava o le lelei o le tatou atunu’u e mafua mai i suega ma atina’e o lo’o faia e le tatou malo o le ala foi lea ia iloa lelei e tagata o lo’o faitio le taugata le soifuaga galuega faia a le malo o lo’o pāgatia ai. 

Pei o le aiga o Maina e ui le mativa ma le lē tagolima peitai o lo’o naunau lava e atina’e ma lē ola fa’amoemoe. 

“Ia o lo’u aiga e lima vaivai ae le tuua ai lava le ola naunau e galue, e ala lea i le galue le maumaga ma le fesoasoani tele o le tamā le aiga mai  lana galuega. 

“Pau le agaga fa’afetai ona o nei fanau o lo’o  maua e faia ai atina’e tau maumaga. 

“O lau lava lea galuega o le galue lea le maumaga ae faigaluega lava le tamā ma le atali’i, o matou seleni maua e lava lelei lea e fa’asoa i mea’ai ma mea e fai i aso taitasi. 

“O lo’o lelei le paipa ma lelei foi le tulaga tau le eletise. 

Sa taua foi e le tinā le tonu ma le sa’o o lona manatu e õ i gauta le togavao e nonofo ai ona o le manaia le ea, filemu ma le ola lelei ai o mea tõtõ aua lava le tausiga le aiga. 

“E ui lava ina matou nonofo le faleo’o peitai a maua le fiafia ma le ola fealofani ua lava lea ma totoe si o matou iaga. 

“Pei lava na fai atu le taimi ua sola, o le atina’e lava e afua atu le aiga, a lelei ona atia’e aiga e leai lava se tulaga o le ola fa’alagolago i se isi tagata i mea e manana’o ai.

By Fetalai Tuilulu’u 14 March 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>