Ua matitiva le atunu’u - Avea

By Ilia L Likou 13 October 2017, 12:00AM

O le maua ai o le fa’atalatalanoaga ma le Fofoga o Samoa i le aso ananafi na fa’aalia ai e Avea Key lona ‘auai ai lea i le manatu ‘o lo’o i ai le mativa i Samoa’

“Ia o le itu moni lava lea ma le mautinoa pe a o tatou maitauina le tulaga ua i ai nei Samoa i nei vaitau ua matua’i fa’aletonu lava."

“E fai o le leai o ni avanoa faigaluega ae o le tulaga fo’i lea o le leai lava o nisi o vaega e mafai ai ona sulufa’i i ai."

O Avea na fa’au’u mai le A.P.T.C. i le tausaga e 2015.

“Ia na taumafai lava e su’e se galuega mai lena taimi e o’o mai le aso, ae o le fa’alavelave ua fai lava sina faigata ua i ai le taimi lenei."

“O le uiga o la’u tala ua matua’i leai ma ni avanoa faigaluega o toe i ai,"

Na ia fa’ailoa le tulaga taumafai ai pea lea ina ia su’ea se galuega.

“Ia e pei ona molimauina lava i Samoa ua fia ni tamaiti ua o’o mai nei o tau sailia lava ni galuega ae na fa’au’u mai mai le mau fa’ailoga i atunu’u i fafo."

“O fea o i ai ni tulaga lelei mai pe afai ae le o’o mai le taimi sa’o e tatau ona fa’atino ai galuega a nei fanau mo le atina’eina o aiga."

“Na o le mau tamaiti na o le i’u mai lava ma nofonofo i le fale le mea o lo’o fai nei, ae ua leiloa pe a faigaluega pe leai."

“Ae na alu le taimi o matua e fa’aaoogaina ai aua se lumana’i manuia."

Na ia fa’ailoa o le taimi lenei i Samoa o lo’o ua tele le mau fa’afitauli e aofia ai ma le tele o meamata e fola solo i le taulaga ma auala ae ua leai ni maketi e fa’atauina atu ai i fafo.

“E pei o lea lava le tulaga pagatia o lo’o ua i ai nei Samoa, ma o se itu e ao lava ona o tatou va’ava’ai i ai, aua e fiu lava e una’i atu le malo."

“Ia na o le mau fono ma semina mea lae ano ai , ae a va’ai i a tatou e pei oni komi fo’i ie."

By Ilia L Likou 13 October 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>