Mana’omia se fesoasoani mo se suavai

By Aruna Lolani 13 June 2017, 12:00AM

O le tatou Atua o se Atua alofa aua po’o lea lava lo tatou mafatiaga i le suavai, o lo’o mafai pea ona tatou maua le ola.

E moni lava e fa’amanuiaina Umaga Samasoni i fanua o lo’o si’osi’omia ai o ia, o lo’o misi lava e ia le tasi mea taua; o le suavai.

Sa maua le fa’atalatalanoaga a le Fofoga o Samoa ma Umaga a o faia le la galuega ma le tina o le aiga i le ma’umaga.

Ua 63 le matua o lona soifua ma sa ia ta’ua, o le latou mafatiaga lea i lona olaga atoa.

“Talu lava na ou ola mai, e leai lava se suavai e maua i le matou fa’aitu,” o lana tala lea i le Fofoga o Samoa.

 “Aua fo’i e le o’o mai se suavai ii nei.

“Ia o le matou a ia tane vai sa fa’atau lae fa’alagolago ai,ae a leai a se vai, ia matou te o lava i le ‘aai e aumai se vai.

 “Ua uma fo’i ona fautuina ia le faipule i lea mataupu ma o lea lava e leai se suiga.

“O le matou a lea fa’afitauli o le leai o se vai ae o le ola lea e feola uma ai tagata.

“Aua e mana’omia e fai ai tagamea, o le faiga o mea’ai ma le tele o fe’au.

 “E mana’omia lava le suavai ii e leai se mea e faigofie pea leai se suavai.

Sa fai fo’i se fa’amatalaga fa’aopoopo a le tina o le aiga ia Pualele Konelio fa’apea “E mana’omia lava e e tagata ma meaola le suavai ma e iai fo’i a matou pua’a.

“Matou te mana’omia le suavai, ma e fa’afetai lava ua o’o mai la outou polokalame aua matou te mana’omia lava se fesoasoani, o lea ua 2017 ae leai lava se suiga.

“Ae pei o le vai o le olataga lava o le tagata.”

A e fia fesoasoani ia Umaga Samasoni ma Pualele i le mafatiaga o lo’o la’ua maua, fa’amolemole fa’afeso’ota’i le numera 7284822 po’o le 7683628.

By Aruna Lolani 13 June 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>