Faaleaogaina e le Faamasinoga le talosaga e faasa ai

By Lanuola Tusani Tupufia 13 May 2016, 12:00AM

Ua faaleaogaina e le Faamasinoga Sili se talosaga e taofia ai le Faamasinoga o Fanua ma Suafa (L.T.C.) mai le fofogaina o se talosaga e faatulaga ai tuaoi faale-aganuu o le itumalo o Safata.

O lea faaiuga na tuuina atu e le Alii Faamasino o Lesatele Rapi Vaai i le masina talu ai.

O le faamatalaga o le tagi ma le faasilasila e faasa ai sa tuuina atu e se tamalii o Mulivai Safata, o Leota Su’atele Manusegi ma matai uma lava o Fusi Safata, Fausaga ma Tafitoala Safata.

O Leota ma nisi o matai na faauluina se talosaga mo le faasaina i totonu o le Faamasinoga Sili e faasaga i le Peresetene ma le Resitala o le Faamasinoga o Fanua ma Suaga ma isi o Vaie’e, Saanapu ma Sataoa e aofia ai Tuia Paepae Letoa.

Leota also wanted to set aside the summons issued to the plaintiffs. Na ia talosagaina ni poloaiga e faasa ai le Peresetene o le Faamasinoga o Fanua ma Suafa mai le faaauauina o le fofogaina o le talosaga ma faatonuina ai i latou uma o loo tuua’ia –ina ia tuuina atu lea talosaga i le Faamasinoga Sili. 

I totonu o le faamatalaga o lea tagi, sa finauina e Leota ma isi e faapea o lea talosaga-o se lu’itau faale-tulafono lea i le taua o le toe teuteuga. 

Ae ui o lea-latou te talitonu e le o i le Faamasinoga o Fanua ma Suafa le pulega faale-tulafono e fai ai soo se faauigaina o se Tulafono a le Palemene e pei o le Tulafono Toe Teuteu o Faiga-Palota 2015. “O sea pule faale-tulafono e faapito i le Faamasinoga Sili,” o le finauga lea a le tamalii o Mulivai Safata.

Na ta’ua fo’i e itu talosaga e faapea o le vaevaeina o le itumalo faa-Faipule o Safata na faatino e le Tulafono Toe Teuteu 2015 lea sa le’i aafia ai i latou. O le taunuuga la o le faauluina o le talosaga e Tuia ma isi matai, o le mataupu tau tusi samani mo itu talosaga ma isi ina ia auai i le Faamasinoga o Fanua ma Suafa, ua tulai mai ai se “feeseeseaiga  e le talafeagai ai-i itu talosaga, le itumalo ma o latou aiga.

“It has also caused disharmony and possible violence within the district. They have also suffered damages and incurred unnecessary costs.” “Ua faapea foi ona tulai mai le tulaga fete’ena’i ma e ono tulai mai ai fo’i le vevesi i totonu o le itumalo.

Ua latou pagatia foi i mea ua faaleagaina ma tau e le talafeagai ai. Ae peitai, o itu tete’e muamua ma le lua o lea faamasinoga, na talosagaina ai e le Peresetene o le Faamasinoga o Fanua ma Suafa ma le Resitala se tagi ina i faaleaogaina.

O mafuaga e faavae i luga o se faasilasilaga o le talosaga ma le faamatalaga o le tagi fai mai “E leai se Aoga ma e tau faasese, faaaoga sese o le taualumaga ma e leai se faamoemoe e ono faamanuiaina.

“Ua faamalieina e faapea ua i le Faamasinoga o Fanua ma Suafa le pule faa-faamasinoga e faamalieina ai le talosaga lea e faasino i tuaoi faale-aganuu o le itumalo o Safata.

O le faaiuga e le itu tete’e muamua ina ia faatagaina le faauluina o le talosaga-e le o se mea ese lea talu ai-o le Faamasinoga o Fanua ma Suaga ua ia te ia le pule faa-faamasinoga e faasino i tagi ma finauga e faasino i eleele faale-aganuu.”

Na sailia foi e le Peresetene o le Faamasinoga o Fanua ma Suafa le faaleaogaina o le tagi a itu tagi mo mea ua faaleagaina talu ai latou te le’i ta’ua faapitoa a latou mea ua leiloa ma ua faatama’ia. Sa faapena foi ona faaulu e le Resitala se tagi ina ia faaleaogaina tagi a Leota ma isi.

Sa talitonu le Resitala e faapea o le Faamasinoga o Fanua ma Suaga o le fola tonu lea mo le faaalia o tuaoi faale-aganuu o le itumalo o Safata ma e leai se pule faa-faamasioga a le Faamasinoga Sili e taofia ai le fofogaina o le talosaga.  

 “O se tasi o sini autu ma le faamoemoe o le faavaeina o le Faamasinoga o Fanua ma Suafa-o le iloiloina lea o le talosaga e faasino i tuaoi faaleaganuu, malae faitauina poo aganuu ma le faaaogaina e Samoa.

“I totonu o lana faaiuga, fai mai le Alii Faamasino o Lesatele o faiga faavae e faaaoga i se talosaga ina ia faaleaogaina se faamatalaga o le tagi ma se faasilasilaga o le tagi-e le o finauina. Fai mai a ia o le pule faa-faamasinoga e faaaogaina ma le tatau.

Na ta’ua e le Alii Faamasino o Lesatele le faavaeina o le Faamasinoga o Fanua ma Suafa e tusa ai ma le mataupu 103 o le Faavae….ua ia te ia le pule to’atasi i mataupu uma lava e faasino i suafa o tagata Samoa ma suafa matai ma i totonu o tagi uma lava ma finauga i le va o tagata Samoa e faasino i eleele faale-aganuu ma le aia tatau e soloa’i ai i meatotino o loo umia e tusa ai ma aganuu ma le faaaogaina e tagata Samoa (Fuaiupu 34 o le Tulafono o Fanua ma Suafa 1981,”o le itu lea na ia faailoa atu.   

O le mafuaga masani lea na faaulu ai se talosaga e le itu tete’e tolu e tusa ai ma le faia o le Tulafono Toe Teuteu o Faiga-Palota 2015 lea na vaevaeina ai le itumalo faa-palota o Safata i ni vaega se lua.

Ua tuua’ia ai e faapea ua fulitua poo ua soli e le Tulafono Toe Teuteu aganuu ma faiga masani o loo i ai nei-a le itumalo o Safata. O loo tatalo mai le talosaga i le Faamasinoga o Fanua ma Suafa ina ia vaevae le itumalo e tusa ai ma tuaoi mavae ma tuaoi faale-aganuu.”

Na faailoa atu e le Alii Faamasino o Lesatele pe mafai ona vaevaeina le itumalo o Safata i ni vaega se lua e le aganuu ma faiga masani-ma o se fesili lea mo le Faamasinoga o Fanua ma Suaga e tatau ona ia faamalieina. “Afai e mafai ona vaevaeina-o lona uiga o le matafaioi lena a lena Faamasinoga le faatulagaina o tuaoi faale-aganuu.

Pe o se taumafaiga lea a se tagata poto ma maumau ai le taimi o le Faamasinoga-o se mataupu foi lea mo le Faamasinoga e tatau ona ia faia i ai se tonu. “Afai e faamanuiaina le talosaga a le itu tete’e tolu ma vaevaeina le itumalo o Safata e le Faamasinoga o Fanua ma Suafa i se faiga e ese ai mai le vaevaega o i lalo o le Tulafono Toe Teuteu o Faiga-Palota, atonu e mafai foi e le itu tete’e lona tolu ona faaaogaina foi le faaiuga a le faamasinoga-e una’ia ai le ‘aufai-tulafono ina ia iloiloina le vaevaega tau palota.

“Ae peitai, o le talosaga a le itu tete’e lona tolu, e fete’ena’i ma le tagi a le itu talosaga, e le o se lu’itau i le tulga tau tulafono poo le taua o le Tulafono Toe Teuteu Tau Faiga-Palota 2015.”

O le tasi itu, na ta’utino e Lesatele e moni na ta’ua e le itu talosaga e avea ma itu tete’e  i totonu o le talosaga ae leai se latou mea na faia i le teuteuga vagana ai le uiga ma le faamoemoe o le talosaga lea e manaomia ai taitai faale-aganuu o nuu uma o i totonu o le itumalo ina ia faailoa i ai ma ia avea ma itu auai i le talosaga lea o loo sailia ai se vaevaega faale-aganuu o Safata. 

“O se talosaga lea na ta’ua e itu talosaga i totonu o le latou faamatalaga o le tagi e ono tulai mai ai se vevesi i totonu o le itumalo. O le mea moni-ua uma ona faaulu e sui o isi lava nuu ni tali i le talosaga.”

Na poloa’ina foi itu talosaga ina ia totogi le tau e $800 mo itu tete’e ta’itasi muamua ma lona tolu.

By Lanuola Tusani Tupufia 13 May 2016, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>