Fa’aleleia auala

By Ilia L. Likou 13 February 2017, 12:00AM

O le fa’aleagaina ai o auala i le tele o vaega o le atunu’u o se tasi lea o atugaluga o le Junior Ulugia o Le’auva’a na ia fa’ailoa i le Fofoga o Samoa.

“Ia e mo le silafia ai, e pei o lea lava le tulaga olo’o ua i ai nei i le tele o vaega o le atunu’u ia ua matua’i fa’aleagaina lava le auala.” 

“E pei ona ua tatou maitau uma ai le taimi lenei, ia e pei e tele ina amata mai lava le leaga o auala mai Apia se’ia pa’ia Faleolo.

“O se fa’anoanoaga tele lea i a te a’u lava ia i le taimi lenei.

“Ia e pei ona maitauina ai le vaiaso e pei ona ua tuana’i atu le mamafa o timuga ia o lea lava le vaega o lo’o ua maitauina.

“O le tele o omo’omo o lo’o ua  tele ina maitauina i le tele o vaega  ole atunu’u ma o se  tulaga fa’anoanoa tele lea i le tele o vaega o le atunu’u.

“O se itu e ao ona matua’i silasila i ai le malo, masalo lava o le leaga o le ta olo’o ua fa’aaogaina i a tatou auala lea e tele ai nei le fa’aletonu.

“E pei o le tele lava o vaega o le atunu’u o lo’o ua matua’i pagatia i taimi o timuga ei le talafatai i Apia aemaise o le ala atu lea i Faleolo.

“Ia o se itu tau fa’afefe le tele o vaega fa’aletonu o le auala olo’o ua maitauina i le tele o vaega o le atunu’u ma o se itu e ao lava ona vave faia i ai se fuafuaga.

“Aua fo’i le na’o ona nonofo ae peim e ao ona silasila lelei i vaega uma nei mo le lelei alu i luma o le atunu’u.

“I ate a’u lava ia , ia o lea lava le  fa’amoemoega , ia mafai ai lea ona fa’ataunu’uina o so’o se vaega aua lava le ta’atia lelei mai o so’o se fa’amoemoe o lo’o ua amata ona o tatou iloa ua tatau ona faia.

“O le mea fo’i lea e i ai na’o le omai lava o kamupani tanutanu, le tele o auala, ona toe o lea ae leai lava ma se tulaga fo’i lea ia faia , ia lelei.

“E ao ona o tatou iloa ma mautinoa e leai se mea e faigata pe a lelei le fa’atinoina o galuega i luga o tatou auala.

By Ilia L. Likou 13 February 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>