Naunau e faaaoga le ‘fale o agaga leaga’ e $4.2m le tau

13 January 2016, 12:00AM

Tusia - Ilia L Likou

Faaliliu e Seagaitumua Tupuola

 

 E lua ni pisinisi a le atunu ua faaalia lo latou naunau e faaaoga tatau le fale o le malo e $4.2 miliona le tau lea na faamatalaina e le Itu Agai o se fale “o loo nofoia e agaga leaga.” 

E ui lava ina sa le mafai e le Minisita o Pisinisi a le Malo, o Lautafi Fio Purcell, kamupani o loo fia faaaogaina le nofoaga autu o le Faalapotopotoga o Eleele a Samoa i Tuana’imato, ae na ia ta’u mai i le Samoa Observer e faapea e i ai ni fuafuaga lelei a ia kamupani mo lea fale. 

“O lea to’alua o ni kamupani a le atunuu ma ua la tula’i mai ma ni fuafuaga e matua ese lava tau le faaaogaina o lea fale,” o le faaaliga lea a Lautafi. 

“O loo galulue i le taimi nei le Komiti Faatino a le Faalapotopotoga o Eleele a Samoa ma loia i pepa ma o le faaiuga mulimuli e mai le Kapeneta.  “O le faamoemoe ia matou maua se faaiuga mai le Kapeneta i le masina o i luma. Ua faagaoioi mea ae leai se pogai e faanatinati ai.”

O lea fale e faitau miliona ma miliona lona tau na toe tuuina atu mo tauofoga ina ua manuia  talanoaga i le va o le malo ma se kamupani a le atunuu ia Aperika o le tausaga talu ai, ma faalauiloa ai e le Kapeneta e faapea o feutanaiga ina ia lisi atu le fale o le Ofisa i le Malae Ta Polo i Faleata –ina ia mafai ai ona liua e avea ma nofoaga e pulea faa-pisinisi, ae ua le taunuu.

O se pepa o faamatalaga mai le Kapeneta i lea taimi fai mai o le tauofoga muamua sa le faaalia manino ai aiaiga e le mafai ona fai ai ni feutanaiga ma o lea na faatagaina ai itu auai  ina ia aofia ai mataupu ia se i fafo atu o le iloiloga o le ulua’i tauofoga i totonu o a latou feutanaiga.

Fai mai le malo ua uma ona ia faaaogaina avanoa sa i ai e talia ai fuafuaga faa -pisinisi.I le faaiuga-sa le mafai ona latou malilie i se faaiuga fetuutuuna’i. Ma ona o lea itu, na faamaonia ai e le Kapeneta le toe faasalalauina o le tauofoga. “E tutupu lava mea faapenei, o se tulaga masani lea i totonu o faiga faa-pisinisi,” o le faaaliga lea a Lautafi i lea taimi.”

“E ui lava ina faatino e le Malo taumafaiga uma e una’ia ai ma fesoasoani i pisinisi a le atunuu e pei o le E.I.L,  ae tatau lava ona matou faia ia mautinoa o loo malu puipuia meatotino a le Malo.

“O le tauofoga fou o le a aofia ai faamatalaga autu, mana’oga o le a matua manino e uiga i le mea o loo ofoina atu ma le mea e mafai ona feutaga’i ai ma le me e le mafai ona faia i ai ni feutanaiga. O le pepa o tauofoga o le a tapena ina ia matua manino i itu auai o loo aafia ai.”

“O lenei faiga o le faaitiitia ai le toe tulai mai o mea na tutupu na faaalia i le faagasologa o le taualumaga o feutanaiga o le tauofoga talu ai.” O le ulua’i sini a le Malo –e mo le faletalimalo fou na te tuuina atu avanoa mo tagata taaalo mai fafo i le faagasologa o Taaloga a Tupulaga Talafou a le Taupulega i le tausaga talu ai. 

Mulimuli ane, o le silasila mamao ia ati a’e lea meatotino e avea ma nofoaga mo ‘au-taala o taaloga pe a fua i avanoa tau taaloga o i lea nofoaga e aofia ai le Nofoaga Autu mo Fe’ausiga o loo latalata ane, si’isiiga o u’amea mamafa, fusuaga, nofoaga mo le hockey ma isi lava nofoaga tau taaloga, aemaise ai o le Malae Ta Polo. 

O loo i ai foi se manatu e faapea afai e lelei ona faagaoioi mea uma, pulega o le mala eta-polo e mafai ona aofia i totonu o le fuafuaga tau le atiina a’e o le fale talimalo i le lumana’i.   Ae peitai-o lena fuafuaga o le isi lea taualumaga. Na tuua e le Faalapotopotoga fale i Tuana’imato i le tausaga talu ai ma ua se’e atu i o latou ofisa talu mai lena taimi i le fogafale i luga o le Maketi i Vaitele lea ua leva ona tuufua.

13 January 2016, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>