Moomia se galuega fesoasoani ai i lona tama
E tofu uma lava le tagata ma lana matafaioi e faia lea mo le fesoasoani ai lea i totonu o lona aiga e le gata mo le itu e faatinoina ai o faalavelave faale-aiga ae o mea fai foi a le nuu ma le ekalesia.
Mo le alii o Afa Tuveve, 21-tausaga le matua mai le nuu o Laulii i lona manatu faaalia i le Fofoga o Samoa o lo’o ia matua moomia lava se galuega e fesoasoani ai i lona tama.
“I le amataga maia o le matou aiga matou te le saili galuega ina ia maua ni tupe o lo’oo atia’e lava i mea e maua i fanua e o lava matou e su’e” o lana tala mai lea.
‘A’o nei auga-aso, tele suiga o le olaga ua iai nei ma ua tatau ai ona saili galuega mo manuia o aiga
“I lo matou aiga e na’o matou ma lo’u tama ma o’u tuafafine e to’afa.
“Ua leva ona maliu lo’u tina ao matou laiti lava ma o lo’u tama la lea o lo’oo faia uma le galuega mo le matou aiga aemaise matou le fanau.
“E moni lava o lo’oo ia faigaluega ma e le tele foi sana tupe maua o le faatoaga leisi auala lea o lo’omatou faamoemoe iai
“O lana galuega e totogi ai pili o le suavai ma le moli ae ou te galue i le faatoaga ma nisi lava o seleni o lo’o maua
“O le masani lava lea i aso uma e usu ia e alu i galuega ae o a’u i le faatoaga i le aso atoa
“Out e sau lava i aso uma o sina talo ma le fa’i mo le meaai i le po ua lava lea.
Ae i le mafaufau mamao a le alii o Afa ua fai si umi e le’o maua sana galuega ma ua tonu a ii ate ia le saili o sana galuega
“Out e fiafia out e galue i le faatoaga ae ua matua foi le tama o le aiga ia” o lana tala mai lea
“O nisi o taimi e fosi lava lana alu e faigaluega ae o lo’oo ma’i o lona manaoga ia aua nei tipi le matou paipa ma le moli
“Ma ua faaosofia ai lo’u mafaufau e saili sa’u galuega manu o maua le malosi
“Soo se galuega out e lelei ai ma out e galue malosi foi
“Out e le manao i lo’u tama e galue pea aua e le toe tutusa foi lona malosi ma e leiloa foi le mea e tupu ma ii le lumanai
“Out e le manao lava e tuua e ia matou pau lo’u manaoga ina ia fai sana malologa mai lana galuega
Ua na’o Afa lava le tama o le aiga ma e le manofonofo foi ua tatau ona galue.
“O lo’o fia mananao foi o’u tuafafine i se tuagane galue malosi ma o lo’o aumai foi ia te au le faatuatuaga
“Ua tatau foi ona iai se suiga ia te au ia ma lo’u olaga uaua o le olaga e alu i luma e le alu i tua
“Po o le a lava le galuega e maua o lena lava o le mea taulia lava o le maua o se seleni mo aiga aemaise matua
A o iai se galuega o lo’oo e fia ofoina mo Afa faafesootai le numera telefoni 7247589