E manuia pe ā tausi i matua - Eddie

By Ilia L Likou 11 October 2017, 12:00AM

O le maua ai o le fa’atalatalanoaga ma le ali’i o Eddie Leleitu o Falelauniu i le aso ananafi na ia fa’ailoa ai le tulaga lelei ai pea o le aga’i ai le lumana’i aemaise le tautuaina o matua.

“Ia fa’atoā ou fo’i mai le fa’atasiga masani a la matou autalavou sa faia i le taeao nei ma o se tulaga lelei tele lea mo a’u lava ia i lo’u iloa i ai.

“O le taimi lenei ia o lo’o fesoasoani tele nei vaega o le lotu i le ola taumafai ai pea le olaga nei.

Na ia fa’ailoa o le isi tulaga lelei tele o lo’o i ai le taimi lenei o le taumafai lava lea ina ia ola ai pea i mea ua a’oa’oina ai.

“Ia o le taeao lenei o la matou mataupu na fa’atinoina o le taumafai ai lava lea e ola mo le Ali’i,  aua e pau lava lea o le mapusaga i taimi o faigata.

“O lea fo’i lava le alofa o lo’o a’oa’oina mai ia lea ou te ola ai lava aua le lelei o aiga aemaise o atina’e i totonu o aiga ma feau fai o le aso.

Na ia ta’ua le taua ai o le tausia lelei o aiga aemaise o matua.

“Ia o le tele lava o tupulaga e fa’apea ifo i o latou loto e leai se taua o vaega nei, ae o lo’u iloa i ai, a le mafai ona tausi lelei aiga.

“O lona uiga o le a le mafai ona fa’atinoina o so’o se taumafaiga o lo’o ua i ai nei.

“O le tele lava o fa’amanuiaga ia e aumai mai matua lea o lo’o mafai ai pea ona solo lelei le ola i aso uma.

O lona talitonuga o le taumafai ai lea i so’o se vaega aua lava le atina’eina o aiga.

“O lea lava le itu mautinoa i lo’u iloa i ai, afai lava ae lelei le gasologa o vaega uma, ia o lea lava le taumafaiga e mafai ona o’o i ai.

“Aua lava se lelei o aiga aemaise o le tausiga o matua, o lo’o una’ia malosi lava fo’i a’u e matua mo le tausia lelei o ia vaega uma.

“Aemaise ai o la’ua aua e afua mai ai o’u manuia.

By Ilia L Likou 11 October 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>