Taofi sauaga i aiga!

By Ilia L Likou 11 October 2017, 12:00AM

O le fa’atuputupula’ia o sauaga i totonu o aiga o se tasi lea o atugaluga o le tinā i a Rita Pisa o Sese’e i le fa’atalanoaga ma le Fofoga o Samoa i le aso ananafi.

Na ia ta’ua o se itu lelei tele lea mo le aga’i atu ai le lumana’i o lo’o ua i ai nei.

“Ia e le’o se mataupu fou lea i totonu o le atunu’u ma o se agaga fa’anoanoa lava pe a va’ai atu ai le fa’atupula’ia o fa’afitauli ua i ai nei.

“O lo’u iloa i ai, o la aso e pei e le ano tele i ai pe a fasi e Toma lona to’alua o Sina, ae ona ua tatou molimauina lava i tusitusiga ma le tele o fa’asalalauga le mata’utia o vaega o lo’o ua mafai ona alia’e mai ai le taimi lenei.

“I  a te a’u lava ia, o lo’u ia iloa i ai e ao lava ona o tatou fa’atino o so’o se vaega aua lava le aga’i ai o le fanau le lumana’i.

“Aua o lo’u ia iloa i ai, afai a o tatou o ai lava fa’apea e aunoa ma se vaifofo e taufa’aitiitia ai tulaga nei ia o lona uiga o se fa’aitauli o le a le mafai ona toe vave faia i ai se fuafuaga.

O lona finagalo e ao lava ona galulue fa’atasi le fa’akerisiano ma le aganu’u.

“E pei o lea lava le tulaga e ao ona silasila i ai le taimi lenei o le taumafai lavaina ia galulue fa’atasi o vaega nei.

“Aua o lo’u ia iloa i ai o le tele o nai aiga o lo’o tula’i mai ai tulaga nei o i latou e vaivai lo latou tamaoaiga.

“E pei e lelei fo’i i ekalesia ona asiasi i ai , e tu’u nisi tupe o lo’o fausia ai le mau falesa ae fa’aagaga e fesoasoani ai mo nai aiga nei.

“Aua ua tatou molimauina lava lea tulaga ma e ao ona o tatou va’ava’ai ai pea mo le aga’i atu ai le lumanai.

“Ia maua ei tatou se atunu’u saogalemu.

O le isi tulaga na ia fa’aalia e ao lava i pulega a ali’i ma faipule ona va’ava’ai toto’a ai pea i nei tulaga uma.

“E pei o latou nei e galulue soso’o tauau ma le malo mo ni leleiga o vaega nei.

By Ilia L Likou 11 October 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>