Fa’ataua lou tagata

Tusia Aruna Lolani ma Ilia L Likou ,

17 Hits

Samuelu Tasi.

Samuelu Tasi.

O le fa’atupula’ia ai o tagata o lo’o ua nofoia le tele o nofoaga e pei o Vaitele ua amata ona maitauina ai ma fa’afitauli.

O le talitonuga lea o le Samuelu Tasi o Vaitele-Fou i le fa’atalatalanoaga ai ma le Fofoga o Samoa i le aso ananafi.

“Ia e pei o lea lava le talitonuga o lo’o ua i ai nei, i a te a’u lava ia, ia ma e le’o se faitioga ae o le va’ava’ai lea a le to’atele o lo’o ua i uta nei e aofia ai ma lo’u nei tagata fa’atauva’a.

“Masalo ona o nei nu’u e leai ni faiganu’u o lo’o i ai le taimi lenei, aua e pule lava le tagata i lana sikaili.

“I Vaitele lava ia, ia o le to’atele o tagata e ‘ese’ese uma vaega o le atunu’u e omai ai ma e pule lava le tagata ia i ana mea e fai.

“O le tele lava o vaega o lo’o ua i ai nei, ia o tupulaga talavou.

Na ia ta’ua o aso ua alu e moni lava ae leai ni misa ma le fa’apisapisao i taimi le tatau i lo latou pito.

“E mo le taimi lenei, ia e pei o le fa’aiuga lava o le vaiaso o lo’o ua tele ina feagai ai le tele o i matou nei ma lea tulaga.

“E lelei lava pe a le onana ae inu loa, ia o lona uiga e sau mai lava i  le isi aso se’ia o’o le isi aso, e tele fo’i na logo leoleo ia ae tuai mai lava i nisi taimi.

Na ia fa’ailoa fo’i le tulaga popole o lo’o ua i ai le taimi lenei ona o le ola le magafagafa lelei o tupulaga talavou.

“Ia e pei e sa’o lava faitioga a le to’atele e fa’apea o tupulaga lava o lo’o tele ina tula’i mai ai fa’alavelave.

“E tatau fo’i la i a’i matou o tupulaga ona va’ava’ai ni suiga lelei aua le aga’i atu ai le lumanai.

“Aua e le mafai e le isi tagata ona sui le isi tagata se’i vagana ua malie i ai le loto ia na fa’atoa lelei lea o ni suiga lelei aua le aga’i atu ai le lumana’i.

“O le itu fa’afetai o lo’o sologa lelei mea uma aua le aga’i atu ai le lumana’i.

© Samoa Observer 2016

Developed by Samoa Observer in Apia