O le vai lava o loo fai ma faafitauli

Tusia Talimalie Uta ,

29 Hits

Kaiva Tisema,  30,  Lepa Lotofaga

Kaiva Tisema, 30, Lepa Lotofaga

“Talu mai lava le Sunami i le 2009 ua suia ai mea matou te nonofo ai ma o matou olaga sa masani mai ai, ae peitai o loo sologa lelei lava mea uma,” Kaiva Tisema.

Kaiva Tisema o se tasi lea o alii sa aafia i le Sunami, sa faasoa mai ona manatu i le aso ananafi i le Fofoga o Samoa ao galue ai i le fanua a lana pule i Lalomanu. O Kaiva ua fai aiga ma ua toalua lana fanau.

Sa fa'aalia mai e le tama, o loo sologa lelei lava mea uma i tua i le latou nuu i Lepa. O loo lelei pulega a alii ma matai ma o le susuga foi i le alii Palemia e ave iai papa ma ee ole latou nuu.

Sa fa'aalia foi ele tama, pau se itu o loo faletonu ai i latou o le itu tau suavai. Mai lava i le 2009 talu na uma le Sunami e lei ola atu lava latou paipa

“I le taimi nei, ua iai lava aiga i tua i o i le mea o loo matou nonofo iai ua maua vai ao au ma lou aiga o loo faatalitali lava."

“Ua laki si aiga o loo nonofo tuaoi mai matou, aua ua leva ona aumau ai o, o loo maua mai ai se suavai e fesoasoani ia te au ma lou aiga."

“E masani foi ona matou faaoga vai mai le siga o loo lalo ifo o matou e mai ai a matou vai, a leai foi ua matou o i o matou aiga o loo nonofo ile aai e lau vai mai ai.”

Sa fesiligia foi le tama ia Kaiva pe faapefea ona faasoa le vai i tua ile mea o loo nonofo ai.

“Sa fai le poloketi ale malo e vili ai le vai i tua i uta, ae peitai ua mika le vai ma ole mafuaaga foi lena ua tau faigata ai."

“E moi lava e lelei ile isi itu ae e faigata aua olea faaoga fuafua ei matou."

“E iai le matou tane vai ae e moi lava e le mama ma e le aoga ona faaoga i totonu ele matou aiga, ma ole agaga lena e naunau ai foi ia maua se vai."

Sa faimai le tama : “Sa ave le matou talosaga ile lua tausaga ua tunai atu , ae peitai e lei maua mai lava se tali.”

© Samoa Observer 2016

Developed by Samoa Observer in Apia