Ua le o toe filemu le Tamaloa, ua faailoa mai lona fefe ma le popole

By Lanuola Tusani Tupufia 10 July 2016, 12:00AM

O se tagata o le atunuu na saisai a’o faa-si’ilima i se fana e se vaega o alii Leoleo o loo faa-‘auupegaina-ua le mafai ona toe taofia lona le ma-gagana e uiga i lea mea. O Suitupe Misa lea o loo molia Leoleo mo le $1 miliona tala, fai mai o lea faalavelave ua suia ai e faavavau lona soifua. Fai mai a ia ua na lagona ua pei o ia o se pagota i totonu o lona lava atunuu. 

“Ua pei o le savali i luga o atigi fuamoa. Ua ou matua faaetete i soo sa’u gaoioiga,” o lana faaaliga lea. “Ua ‘ou lagona le popole i taimi uma. Ua ‘ou popole i taimi uma ina ne’i fuafua e Leoleo se mea e faasaga ia te a’u.  Talu mai lena aso (na saisai ai a’u) ua ‘ou le toe faatuatuaina se tasi.

Ua ‘ou lagona ua leai so’u sa’olotoga e fealua’i solo ai sa’oloto e aunoa ma le mulimuli mai ai (o le pulega)” I le faagasologa o se talanoaga ma le Sunday Samoan, sa  o mai Mr. Misa ma lona faletua o Catherine Misa. Sa la talanoa mai e uiga i le faatiga, aafia o le mafaufau, o mea eseese ma le malosi ua pulea i la’ua talu mai le tausaga talu ai. O loo manatua e Mr. Misa le faalavelave e peiseai o se mea na tupu ananafi. Na saisai o ia a’o faa-siilima i se fana e se vaega o leoleo ofu sivili sa faa-auupegaina i luma ane o se nofoaga o le maketi i Fugalei na faate’ia ma sa matua faanoanoa.

Na aliali mai  e faapea e leai se agasala na fai e Mr. Misa ma sa faatino le saisaia o ia e faavae i luga o molimau e le faamaonia ma ua leva. Mulimuli ane, sa faaulu e Mr.Misa le talosaga e faasaga i Leoleo, lea sa suesueina e le Ofisa o le Komesina o Sulufaiga. O mea na maua i suesuega na tulai mai ai ni fesili matuia e uiga i amio a Leoleo ma le Komesina. 

 “Sa le mafai e le Komesina o Leoleo ona tali faiga autu tau faiga faavae ma tuuina atu ai se iloiloga e le talafeagai ai i faamatalaga molimau e le aoga, e faasino faapitoa i le sese ma le le tusa ai ma le tulafono o le saisaia o Suitupe,” o se tasi o mea na maua i sailiga a le lipoti e faapea,” O le faaiuga a le Komesina ina ia faa-‘auupega ma faataga le faaaogaina o fana e ana alii ofisa-ua soli ai le Faaaogaina o le faiga faavae tau le Faaaogaina o le Malosi, sa le tatau ai, ma e afaina ai i se tulaga leaga le saogalemu lautele ma le malu puipuia i totonu o Samoa.

“Sa le mafai e le Komesina ona faatino laasaga talafeagai e mautinoa ai gaoioiga a ana alii ofisa i le avea ma vaega o se gaoioiga a leoleo, ma taunuu ai i se tulaga faatiga e matua tele ma i se tasi itu-e mafai ona avea ai ma mataupu faigata tau le soifua maloloina.”

Na maua foi e lea suesuega e faapea e “leai se malamalama o le Komesina i tulafono faavae e faasino i le saisaia ma le taofi i totonu o Samoa.” Ae peitai, fai mai le lipoti o lea saisaia sa “le tusa ai ma le tulafono ma sa sese ona faaaogaina ma o lea ua soli ai le aia tatau faavae faale-tagata i le sa’olotoga.” E tusa ai ma le Komesina o Sulufaiga, o mea na maua i suesuega ua faaalia manino ai se tele o mea sese tau faaiuga ma gaoioiga solitulafono ia e le taitai ona latalata i le mea e tatau ona mafai ona tatou mana’omia mai le vaega o Leoleo.  

Fai mai Mr. Misa ua tele ana faalepo e uiga i lea mataupu. “Ua tele taimi ou te faalogoina a ii totonu o lo’u ulu a latou musumusuga i o’u tua,” o lana faaaliga lea. . “O lea tulaga e tumau pea i lea nofoaga ma e ui lava ina leai se mea na ‘o faia ma taofia sese a’u e le tusa ai ma a’u aia tatau, ae o le faiga a tagata ia te a’u ua pei ai a’u o se tagata pagota.” E tusa ai ma Mr. Misa o lea faalavelave ua matua afaina ai o ia tau le mafaufau ma ua pogai ai faafitauli i le va o ia ma lona to’alua. 

O le upu moni ia te outou, ua le mafai ona ‘ou moe i le tele o po,” o lana faaaliga lea. “A ‘moeiini o’u mata-e toe faailoa mai lava lea tulaga i totonu o a’u mita ua pei o se mea tau faafefe. I se tasi itu, na ‘ou alu ese ma lou atalii talu ai-o lo’u mantu ua toe o mai foi leoleo e su’e a’u. A’o maligi ona loimata, fai mai Mr. Misa o lea mataupu ua matua faigata lava mo lona to’alua ma o se tasi o aso o le a mana’o ai e tuua o ia.

Ou te alofa i lo’u aiga ma le ma tama,” o lana faaaliga lea. “Ua fai a’u ma faatiga ia i latou. Ua ‘ou fefe afai e alu ese lo’u toalua –ua ‘ou le toe maua se fesoasoani mai le tagata e to’atasi ua leva ona i ai mo a’u e faafeagai ma lenei mataupu …..o nisi taimi –ou te mafaufau lava a’u masalo o le a maua se lelei pe afai ou te mou ese atu. Na toe ta’ua e Mr. Misa atonu na te le toe maua se isi galuega talu ai le mea ua tupu. Na ia fesiligia foi pe aisea ua le tuliloaina ai moliaga tau solitulafono-ia e le o toe tuliloaina e faasaga i alii leoleo na aafia ai.

Fai mai Catherine e le o se mea e faigofie.

“Ua fefe o ia i le tele o mea ou te popole ai mo ia ma mo lo ma aiga. Ua ‘ou ola i se olaga o le fefe ma popole ma ua ‘ou le malamalama pe aisea ua fai ai faapenei lo’u to’alua e pei o se pagota ae leai se mea leaga na ia faia.” Fai mai Mrs Misa o nisi taimi e manao ai e taatia ia lea mea ma lona toalua ona na te le o talosaga le ola. Ae peitai a toe mafaufau i ai-e leai se mea leaga na ia faia,” o lana faaaliga lea.  

 “O mea uma lava o loo tutupu e faatiga talu ai o a’u lea e faafeagai ma lenei anoano o loo taumafai e faasa’o. Ua ‘ou lagona foi le popole i lo ma aafia i lenei faalavelave poo le avea ma gaoioiga sese talu ai-ma te le iloa pe o ai e tamo’e i ai, e le mafai ona ma taufetuli i Leoleo mo se fesoasoani.” 

.Na ta’utimo e l tina e faapea e i ai taimi na te manaomia ai ona tu i luga ma alu ese –ina ia mafai lava ona alu ese mai lea gasu. Ae pei ona ‘ou fai atu muamua-na te lei faia soo se mea sese-ae o le mea na tupu i lea aso ua tuua ai se mea uiga ese e manatua pea ma o se ma’ila lea ua i o ma luga i le olaga atoa.” 

By Lanuola Tusani Tupufia 10 July 2016, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>