Manuia le ulugali’i fou Desiree ma Tauveve!

By Ilia L Likou 10 April 2018, 12:00AM

O le Aso To’ana’i na se’i mavae atu nei na fa’apa’iaina ai le tama’ita’i i a Desiree Sarai Tofilau Lino Smith ma Tauveve Yu Penitito Smith.

O le Ekalesia Fa’apotopotoga Kerisiano i Iva na fa’ataunu’uina ai lea fa’amoemoe taua mo i la’ua.

Na fa’ailoa e i la’ua lo la fiafia tele ona ua mafai ona maua le avanoa e fa’apaiaina ai i luma o le Atua a’o molimauina ai e le to’atele o aiga ma ui lo aso fiafia.

O se aso fo’i na o la’ua ta’ua ua leva ona moemiti i ai, ma o le agaga maualuga ia maua se aiga fiafia ma le solo lelei i le lumana’i.

O matua o le tama’ita’i fa’aipoipo o Tofilau Pipi Lino Tofilau Motiana Tofilau Latu ae o Tauveve o  Gu Penitito Smith ma Mrs. Oli Gu Penitito .

O la la’ua mafutaga na amata mai a’o  a’o’oga i se tasi o Kolisi ma o lea lava ua fa’amauina le alofa o le tasi i le tasi e pei ona fa’ataunu’uina i le Aso To’ana’i na se’i mavae atu nei.

E i ai lo la’ua alo tama e to’atasi ma o le a fa’amoemoe i le Atua e fesoasoani i lo la aiga i so’o se auala e mafai ai ona atina’e.

By Ilia L Likou 10 April 2018, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>