Miti mo se galuega ma sona fale fou
O moomooga ia o le tina ia Feagaiga Eteai, 33 tausaga le matua mai i Faleula-uta. Ina ia maua sana galuega mo le tausiga o lona aiga ma se fale fou.
“E leai seisi o maua e faigaluega, pau le tulaga o lo’o fai o le faatauina lea o meamata mai i le faatoaga ma meatuaolo aua se mato tupe maua” o lana tala lea i le Fofoga o Samoa.
“O le tulaga faigata na o lo’o iai nei, aua e manaomia a se seleni aua le faa’aoogaina o le ma fanau aoga, ma mea fai a le aiga.
“E moni lava o le tupe lea e maua mai i le maketi ae e lelava ona o le tele o mea fai, ua laki lava le faatoaga o lo’o maua mai ai le meaai mo aso uma.
O lo’o ao’oga uma le ma fanau e toalima, fai o meaai i aso uma pasese foi aua e le taugofie, e taugata o tupe uma mea uma.
“O la’u galuega masani lava lea o lo’o fai, momoli le ma fanau i le aoga ma toe aumai ma feau masani o le aiga i aso uma, aua o le tiute lava lea fa’a-tina i aso uma.
O le faamuamua a le tina o lana fanau aoga.
“E faataua a fanau ma aoga aua o le lumanai lea o aiga, ae o lo’o taulai lava mo se latou fale fou aua le faafaigofieina o meaaoga a le fanau.
“Out e unaiaina malosi lava la’u fanau i le aoga, ae e iai lava nisi o taimi e lagona ai le faanoanoa pe a ou vaai i la’u fanau I e tele o po, o le toatele ao le le ofi o le matou fale.
“Ua matutua foi le fanau ia, ma o lo’o moomia ai se fale fou, e mautu toe lelei atoatoa.
Na ia faaailoa foi, o lo’o sailiili lava sana galuega, aua o le tupe mai i le fmaketi o lo’o fai e moni lava e le lelei mo aso uma.
“O le galuega a ua iai, ua lava ma totoe ina ia faataunuuina ai lo’u manaoga, mo se fale fou toe lelei mo lo’u aiga.