Taugata le soifuaga
Ua le toe faigofie nei aso.
O lea le finagalo fa’aalia o Vili Vili i le Fofoga o Samoa i le aso ananafi.
Na ia fa’ailoa o se itu faigata tele o lo’o ua feagai ma le atunu’u ona o le taugata o le tau o le soifuaga.
“E pei o lea lava le tulaga olo’o ua i ai le taimi lenei i lo’u iloa i ai, ma o se itu e ao pea ona silasila i ai le taimi lenei.
“O le taimi lenei o se itu faigata pea i lo’u iloa ai le tulaga ua feagai nei ma le atunu’u ma o se itu fa’afetai ai o lo’o tele mea’ai e pei o ulu ma fa’i ma le tele lava o isi vaega.
“Ae o le vaega lava ia tau i le tau o le soifuaga ua o tatou iloa uma lava le faigata ua i ai nei Samoa ma o se itu o lo’o ua tele lava aiga o lo’o feagai ai ma pagatia.
“O se itu i a te a’u lava ia o le taumafai i so’o se itu aua aiga ma lona atina’eina.
O lona finagalo ia taumafai lava e galulue.
“O a’u sa ou faigaluega muamua ae ona o le laiti o totogi ua ala ai ona fa’apea ai loa e sili ona fai le ma’umaga.
“E lelei fo’i lena e sa’o ai le mafaufau aemaise o vaega uma aua lona fa’atinoina.
“I lo’u iloa i ai, e le toe faigofie nei aso ua matua’i leaga lava.
“E ao ai lava i a te’i tatou ona va’ava’ai i itu uma aua le fa’alelei o aiga aemaise o vaega e ao ona fa’amuamua mo lona atina’eina.
“O lea lava le tulaga o lo’o ua taumafai nei e molimoli ta’iina aua e pei o lea lava le mafua’aga mo le lelei alu i luma o le atunu’u.