Taugata le soifuaga, ae o lo’o manuia mea uma i le matou aiga
O se aiga lelei ma le malosi o se aiga e galulue punoua’i ma tau fai tutu fa’atasi.
O le saunoaga lea a le Tina ia Uefa Tu’ufao 67 tausaga o lona soifua mai le afioaga o Faleula Uta.
Na feiloa’i atu le Fofoga o Samoa i le Tina ia Uefa Tu’ufao a’o latou aga’i ma lana fanau e fai le latou fa’atau i le taeao ananafi.
“Na taua ai foi e le Tina ia Uefa Tu’ufao o lo’o manuia uma mea uma i le latou aiga ma o lo’o fiafia foi o ia i ana galuega fai i aso uma.”
“E ui lava i le taugata ai o le soifuaga i lenei vaitau ia ae o lo’o lelei lava le matou aiga ma faigofie mea i le matou aiga.”
“Ia ou te le’o faigaluega ae o lo’o fai pea a’u galuega i le matou fale e pei o le fa’amamaina o le fale aemasie le faiga o matou tagamea.”
Na fa’aalia foi e le Tina ia Uefa Tu’ufao i le Fofoga o Samoa le olaga o le latou aiga.
“Ia e to’atasi lava si o’u afafine o lo’o faigaluega nei aua le tausiaina lea o le matou aiga, o lana fanau lea e to’alua lea matou nte omai iinei.”
“E ui lava la ina taugata pea le soifuaga i lenei vaitau o le olaga i Samoa ae talitonu pea o lo’o lelei lava pea le matou aiga ona e faigofie lava si o matou aiga.”
Na ia toe sanoa foi i le Fofoga o Samoa o ia e fiafia e galue.
“Ia ou te fiafia tele lava i a’u galuega fai i le matou aiga ona e le e fa’afiafiaina ai a’u nei ia aemaise e fa’amalosi ai foi le tino latou ia.
“Ia o le sa’u ia lea lagolago i si a’u tama teine o lo’o faigaluega ina ia matou aai, ia uma mai lana galuega leai se mea e toe mamafa i lona mafaufau.”
Na toe saunoa foi le Tina ia Uefa Tu’ufao i le aoga o le olaga fesoasoani i so’o se tasi.
“O le manaia ia o se aiga ae galulue fa’atasi, o ii e iloa ai le lelei o aiga pe a galulue ma feoeoea’i faatasi.”