Fa’amuamua fanau

Tusia Ilia L Likou ,

30 Hits

FANAU O LE TOFI MAI LE ATUA: Faleupolu Sa’u.

FANAU O LE TOFI MAI LE ATUA: Faleupolu Sa’u.

O le avea ai o a tatou fanau ma lumana’i manuia o aiga o se itu taua tele lea.

O lea le finagalo o Faleupolu Sa’u i le Fofoga o Samoa i le aso ananafi.

“Ia e mo le silafia ai o a’u e to’aiva la’u fanau,” o lana saunoaga mai lea.

“O le olaga o lo’o ua tatou i ai ua fai lava sina faigata ma ua fa’apea ona  tau le mafaia e o tatou tagata lea tulaga.”

“O se itu e ao lava ona ave i ai le fa’amalosi o tatou tagata i le taimi lenei, ma ia  tatou faia mea uma i le alofa i fanau.”

“O le uiga o la’u tala o a fita ma lu’itau e feagai ai ia avea lava fanau ma fa’amuamua i totonu o aiga, aua e fiu e u’u tupe pe a i’u manuia a latou a’oa’oga.”

Na ia ta’ua o se itu lelei tele lea mo le to’atele o nai o tatou tagata.

“E pei o lo’u lea manatu i ai, a tatou fa’atino mea uma i le malosi ma tu’u atoa i ai le loto e tali mai a tatou galuega i le manuia o fanau.”

“O le taimi lenei o lo’o ua faigaluega su’etusi se tasi o fanau.”

“Ia e leai lava se mea na fai ai le aoga a le fanau, na tagi lava i lima mea uma lava, o se itu taua tele lea i a te a’u.”

“E ao lava fo’i ona o tatou fa’afetai i taimi aua o lea lava le tulaga o lo’o ua naunau i ai, aemaise o le taumafai e fa’atinoina vaega uma mo le lelei o nai fanau.”

“Ia aua ne’i o tatou fa’atu’utu’u i le faigata o le soifuaga o lo’o ua i ai nei, ae ia ave pea le fa’amuamua mo i latou.”

“O le nofoa’i ai i fa’afitauli o se itu e ao lava ona alo  mamao ese ai, ae ia taumafai pea, aua fai mai le upu o so’o se fa’afitauli lava e i ai lava le auala e fai ai.”

“Ia o tatou iloa o mea uma lava ua lelei, o vaega ia e ao ona fa’aaogaina lelei aua le aga’i atu ai le lumana’i.”

© Samoa Observer 2016

Developed by Samoa Observer in Apia