Tausia fanau ma le alofa

By Ilia L. Likou 08 October 2017, 12:00AM

O lea le finagalo o le tinā i a Perelini Aki, 46 le matua o le soifua o Satapuala i le fa’atalatalanoaga ma le Fofoga o Samoa i le aso ananafi.

E  maua lea fa’atalatalanoaga o lo’o aga’i atu ma lana tama-tama mo tapenaga a le Aoga Aso mo lo latou aso fa’apitoa mo le asō.

“Ia o lea lava le masani na ola mai ai fo’i i aso ua alu aemaise lava i le tu lalata ai le Lotu Tamaiti, ia o lea ua fa’aauau atu lava i nai fanau."

“I lo’u ia manatu na’o a’u lava ia, e leai lava se i si si’osi’omaga e sili ona vavalalata ma fausia ai le ola tuputupu a’e o fanau nai lo totonu lava o le aiga."

“A lelei lava ona fa’afailele ia o lea lava fo’i le lumana’i e o’o i ai ae a leai lava ia ua tatou iloa uma lava le tali."

Na ia ta’ua o fanau lava o meaalofa mai le Atua.

“E le sese lava lea tala a lelei lava nei ia o lea fo’i le tali o a taeao, o si a’u fanau ia o lea lava le olaga o lo’o una’i i ai."

“E le gata o totonu o le aiga, ae o totonu o le lotu epei o vaega nei e lua e matua’i tele le sao i le fa’afaileleina o fanau."

O lona talitonuga o le fa’afaileleina o fanau o se galuega fai fa’atasi a le ekalesia ma aiga.

“E pei o lo’u lea talitonuga, o le itu lava fo’i e ao ona silasila lelei i ai mo le aga’i atu ai le lumana’i ma e ao lava ona fa’atinoina o so’o se taumafaiga mo o nai fanau."

“Ua molimauina le faigata tele ua i ai nei aso, ae talosia ia ia avea ai pea lenei aso fa’apitoa o le Lotu Tamaiti e fa’amanatu ai pea i nai o tatou aiga aemaise o matua."

“Le aoga ai o le tapu’e lelei o lo latou ola, ua o tatou iloa uma lava e le faigofie , ma e taugata fo’i lona tausiaina."

“Ia ae o lo’o silasila lava le Atua, o le lava e lulu ma loimata ia e sau le taimi e fa’aeaina ai, ae o le lava e fa’apalapala ia e va’ava’ai fo’i a lava i le ola mai ai o fanau i le lumanai."

O le aiga o Perelini o lo’o lolotu i le Fa’apotopotoga a le Atua i le afio’aga o Satapuala."

By Ilia L. Likou 08 October 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>