Se suiga mo tupulaga

By Lizzy Hunt 08 September 2017, 12:00AM

Na fa’asoa le manatu a se talavou 25 tausaga le matua o Tavila Moe mai le nu’u o Lalomanu i le ese’esega o pulega a si ona nu’u ma le nu’u si ona tinā ma o lona talitonuga ole aoa’iga e tatau ona amata mai i totonu o aiga.

Na maua se fa’atalatalanoaga a Tavila Moe ma le fofoga o Samoa i le mugalā a’o ia aga’i atu ile faleoloa aua ni fuala’au mo si ona tinā. O ia e fa’amautu i Lalomanu ae na sau i Falelauniu ona o ni mafuaa’ga tau aiga,

“Ele’i umi na ou sau ona o ni mafua’aga foi fa’ale’aiga, na mana’omia ona matou omai e fesoasoani i le fausiaina ole fale a si o matou tinā. Na tuu oute lē sau ae ona sa mana’omia e si ou tinai matou.”

Ole fa’afitauli lava olo’o talanoa mai ai Tavila e le’o se fa’afitauli pito tonu i si ona aiga ae peita’i e mo le nu’u, na ia fa’ailoa mai foi le tulaga ole leai o se pulega a le nu’u, e tatau ona iai ni matai ma ni pulenu’u e faia se suiga ma ia iai ni tulafono. 

Na fa’aauauina lona saunoaga fa’atatau i lona va’aiga foi i le itu e ese’ese ai Falelauniu ma lō latou nu’u amata mai le taimi na sau ai.

“I le taimi na ou sau ai i nei, na ou va’aia lava le lē lelei o amio fa’aali a tupulaga i nei; ole tauai fale, o upu e lafoina ma le fiafia e fa’atupu misa.

“Sa ou maitaulia le lē mamalu o faiganu’u ma le lē malosi o tulafono ae ou te iloa e leai ni pulega i nei.

“Ole ola a’oa’oina e amata mai i totonu o aiga. A matua ona le toe te’a ese ai lea,” ole tala lea a Tavila 

O leisi mea taua na fa’ailoa mai e Tavila e tatau ona suia i totonu o lenei nu’u, o tupulaga ina faaoga lelei ō latou taimi e fai ai ni mea aoga ae le’o le fa’aalu sesēina ole taimi i isi mea e fa’afiafiaina ai o latou loto.

“Ole tulaga sa ou maitaulia, e to’atele ele’o faigaluega ma ō i se aoga ae olo’o fa’aaluina o latou taimi i mea lē aoga, o so’u fautuaga pu’upu’u la mo i latou uma ina ia taumafai e galulue ma saili auala e ono fesoasoani ai i matua ma aiga.

“O lo’o tele avanoa olo’o fa’atali mai mo tagata uma, ole avanoa  maua e faalagolago ia te oe.

Na ia fa’ailoa le ese’esega ole galulue o tagata i lona nu’u ma i nei Falelauniu,

“E ese’ese ona o Lalomanu a leai lava se galuega e mafai lava ona galue i fa’atoaga ae o nei a leai se galuega ele mafai ona tausi aiga.

“Ona o fanua nei, o fanua a le malō olo’o nofo lisi ai tagata, 

E faigaluega Tavila i le konokarate fa’akamuta i le tamaloa e igoa ia Afele, ma o ia e galue aua si ona aiga, ole feau lea olo’o ia mana’o e iloa e tupulaga, ina ia galue malosi ma fesoasoani i aiga i so’o se mea e maua.”

By Lizzy Hunt 08 September 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>