O se miti ina ia faigaluega aua lava aiga

By Aruna Lolani 08 June 2017, 12:00AM

E fa’atatau i lou loto fai mea mafai ae le o sou tomai. 

O le fa’atalatalanoaga a le Fofoga o Samoa ma Filo Misa mai Salelesi sa ia ta’ua ai lona fia mana’o e fia faigaluega ave ta’avale.

E 61 le matua o lona soifua ma e talitonu o ia o lo’o lava pea lona malosi e faigaluega ai.

“Ua leva ona ave a’u tusi talosaga mo se galuega ave ta’avale,” o lana tala lea.

“Ia a e tele a ona tali mai i se tali faigofie, o loua fa’amau le numera e uma toe vili mai.

“Ia o lea la ou te le’i maua a se galuega avanoa ma o le a la sa ou aga’i atu e fai si na fagotaga aua se mea’ai mo le afiafi.

Ua mana’omia lava e Filo se galuega ave ta’avale aua le tausiga o lona aiga.

“O a’u e lelei tele lo’u ave ta’avale ma ua uma fo’i ona fai lo’u laisene ave ta’avale.

 “O le galuega lea o lo’o ou naunau tele aua fo’i se fesoasoani atu i le aiga aemaise lava le tulaga o le vai.

“Aua e mo’i lava e sua, ae e le masau tele a o’o la i taimi e a’asa ai le la, ia e fiu e tau fa’asua.

“E fia maua lava se galuega aua o lo’o ou lagona lava le laitiiti ma ou te mafai lava ona faia lea galuega.

“Ou te fa’amaoni ma ou te le tia’i galuega.

“O a’u fo’i ou te malosi i le lotu ma e leai fo’i se mafua’aga o le a ou tago sese ai fua i meatotino a isi tagata.

“Ou te taumafai lava ia fa’ataunu’u lelei galuega.

“Ou te au malosi fo’i a, aua e le te’i o’u talosaga i lea galuega.”

A e fia fesoasoani ia Filo Misa, fa’amolemole e maua o ia i le numera 7731280.

By Aruna Lolani 08 June 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>