“Ua faatinoina le amiotonu” – Kovana o Cuomo, Niu Ioka

08 May 2016, 12:00AM

Tusia e BENJAMIN WEISER 

ma VIVIAN YEEMAY,

New York Times, 3 Me 2016

O lē sa avea muamua ma fofoga fetalai o le Fono a Niu Ioka, o Sheldon Silver, lea na tulai mai le Lower East Side o Manhattan e avea ma se tasi ma faipule aupito i malosi ma fefefe ai faipule, na faasalaina i le Aso Lua i le 12 tausaga i le falepuipui ona o se mataupu na tulai mai e faailoa ai le aganuu a Albany tau faiga pepelo. O le faasalaina o Mr.Silver, 72, sa faatinoina e avea ma maa e taofi ai faiga faatosina e faasaga i faiga pi’opi’o i totonu o le malo a Preet Bharara, le sui o le Iunaite Setete mo le Itumalo i Saute o Niu Ioka, lea ua taunuu ai i le sili atu i lo le pasene o tagata fai tulafono ua faasalaina poo ua ioe i o latou moliaga. 

Ae peita’i-e leai se tasi na i ai le poa, mea e taofi ai poo le umi o le taimi lea sa fiafia ai Mr. Silver, o se Temokalate, ma tagata e faia moliaga ia na saili e faata’ita’i ia te ia. 

Na latou talosagaina ina ia tuuina atu ia te ia se faasalaga e sili atu i lo tuutuuga ia ua uma ona tuuina atu i luga o isi tagata faitulafono o le Setete o Niu Ioka ia na faasalaina i soligatulafono tau faiga pi’opi’o a le malo.”

O se faasalaga aupito i umi faapea na ta’ua e le malo o le 14 tausaga, o le vaitaimi lea na tuuina atu i le tausaga talu ai i le mataupu a le isi alii muamua o le Democrats, o William F. Boyland Jr, lea sa faamasinoina ma faasalaina i totonu o le federal court i Brooklyn.O le Faamasino o Valerie E. Caproni o le Federal District Court i Manhattan na ia matauina e faapea a’o lei taitai ona saisaia Mr. Silver, a’o saiasaia nisi o ana paaga faitulafono ona o moliaga tau faiga pi’opi’o, sa tumau pea ona le popole o ia i ai. E ono mafai ona faapea se tasi o le vaaia o paaga a Mr. Silver o saisai ma ta’ita’i atu i le falepuipui-e ono mafai ona una’ia se tagata e matua faamaoni na te toe viia le faaiga o loo faagasolo,” o le faaaliga lea a le Faamasino o Caproni. 

Ae leai, fai mai lea tamaitai, o Mr. Silver, “e le mafai ona taofia e se mea”Instead, e faaauau pea ona pepelo i lana aufaigaluega ma nusipepa ae faalālā atu o ia e avea ma “faailoga o le mea moni.” 

Fai mai Judge Caproni sa “i ai se tulaga faatiga e le ma fuafuaina ma lavelave” i tagata o Niu Ioka, ma o le taunuuga tuufaatasi o faiga pi’opi’o a le malo “ua matua le mautonu ai tagata lautele.” Ona faamauina lea e lea Tama’ita’i se lisi o nisi o mea sese a Mr. Silver ma fai atu sa’o lava ia te ia: Mr. Silver, e le o ni faiga na a se tagata e matua faamaoni.” I totonu o le faamasinoga, sa talosagaina e Crrie H.Cohen, o se loia fesoasoani lea a le Iunaite Setete e faapea o le faasalaga o Mr.Silver e tatau ona “atagia ai le leaga e matua tele na fai i tagata lautele e ana faiga solitulafono.”

O le faasalaga, fai mai Ms. Cohen e tatau ona auina atu ai se fe’au e faapea e le o le faiga lenei “e faatino ai pisinisi i totonu o Albany, poo a itiiti mai-e le tatau ona faapea, ma e leai se tasi, e aofia ai Sheldon Silver, e i luga a’e o le tulafono.” E puupuu se upu a Mr. Silver i le faamasinoga a’o le’i lauina se faasalaga, fai mai ua ia tuu i lalo tagata o lona itumalo, ua ‘ou matua salamo lava ona o lea itu,” o lana faaaliga lea. 

Na faamaonia le nofosala o Mr. Silver i le aso 30 o Novema i moliaga ia e aofia ai le taufaasese o auaunaga moni, faaaoga o tupe leaga ma faiga leaga. E tusa ai ma lona faasalaga, na ia faaleaogaina lona nofoa i le Fono. I le lua vaiaso mulimuli ane ai, sa faasalina foi ona o faiga pi’opi’o Dean G. Skelos, o ia lea i le avea ma ta’ita’i o tagata e sili ona toatele-lea sa avea ma paaga  o le Republican a Mr. Silver, sa molia foi i faiga pi’opi’o.

O le a faasalaina Mr. Skelos i le aso 12 o Me; ae o se vaiaso mulimuli ane ai, o le a feagai ai John L. Sampson, o se ta’ita’i muamua o le Senate Democrats, o le a feagai ai foi ma lona faasalaga. Sa faaauau pea iloiloga a e faia Moliaga o le aufai-tulafono a Niu Ioka: O le tele o suesuega ua faatutu nei i le ono fesootai o faiga sese ma pulega o le Malo. O Andrew M. Cuomo ma Mayor Bill de Blasio, o i la’ua uma o  Democrats.

.Ae ui o lea, e o’o mai lava i le asō, o le pa’ū mata’utia o Mr. Silver e leai sona fili i le lalolagi o polokiki a Niu Ioka.

I totonu o se pepa o faamatalaga na tuuina mai i ni nai minute a ua mavae le faasalaina faun au Mr. Bharara o le “faasalaga uiga ese ua talafeagai lea ma fetaui lelei ma Sheldon Silver ma lona galuega umi o le faimea pi’opi’o.” Ua uma ona tautua  Mr.Silver mo le luasefulu tausaga e avea ma fofoga fetalai o le Fono, ma tuuina atu lana pule i mataupu tetele ma laiti, ua faaigoaina o ia o se leoleo maoa’e o le Aai o Niu Ioka, o se tagata fai togafiti e faia feutanaiga i totonu o talanoa tau tupe ma, i nisi taimi, o se matua fili maoa’e o soo se mea e le loto i ai.

Ae i le faagasologa o se faamasinoga e lima vaiaso, na tulai mai se itu ese o Mr. Silver. Na faaaliga i molimau e faapea na ia maua le latalata i le $4 miliona i ni tupe totogi pau e taui ai le faatinoina o gaoioiga aloa’ia e faamanuiaina ai se tagata suesue ua gasegase tumau i le kanesa, o Dr. Robert N. Taub, i le Iunivesite o Columbia, ma le to’alua o tagata e atiina a’e esetete, Glenwood Management ma le Witkoft Group.

Na faaalia e Mr.Silver lona faanoanoa ona o ana gaoioiga ua avea ai le State Capitol ma mea ula. I se tusi na ia auina atu i le masina talu ai i le Faamasino o Caproni, na ia ofoina atu se faatoesega faamomoi-tolo, fai mai ua leai sona aoga mo tagata o Niu Ioka Sa finau ana loia e faapea o le fofoga fetalai muamua e tatau ona faatagaina e faaaoga ana “taleni uiga ese” ina ia manuia ai isi tagata, ma o se faasala e aafia ai “se galuega tele mo le atunuu ma itiiti –pe afai e i ai se tulaga faapena e faatinoina ai.”

Na fautuaina e  Mr. Silver e faapea e mafai ona galulue o ia ma se Fortune Society e fesoasoani i tagata sa i ai ma o loo i ai e saili ni a latou galuega. 

O se tasi o loia a Mr.Silver o Joel Cohen, na ia faailoa atu i le faamasino e faapea o lana paaga “ua matua “faatama’ia” ma “olopalaina” e mea uma lava na tutupu mai. E ui lava i mea uma na ia faia, fai mai Mr. Cohen, “o le faasilasilaga o lona maliu ua uma ona tusi.” O lea isi loia sa gafa ma moliaga, o Howard S. Master, i le Aso Lua na ia fesiligia ai le tulaga aloa’ia o le salamo o Mr. Silver, ma na ta’ua ai na fianu mai pea o ia e faapea o le a aveeseina o ia “seia o’o i le taimi tonu o le faaiuga a le faamasinoga.”

O le Faamasino o Caproni, na ia ta’ua le matua o Mr. Silver, fai mai o le a na le tausisia ta’iala tau faasalaga ia o loo fautuaina ai se vaitaimi e tusa ma le 22 i le 27 tausaga, ma na ta’ua ai sea ituaiga o faasalaga “saua” ma le amiotonu.

O le ofisa faa-nofo vaavaaia a le faamasinoga na ia fautuaina se faasalaga e 10 tausaga. Na poloaina e le faamasino e faapea ia faaleaogaina e Mr.Silver le sili atu i le $5 miliona o tupe maua mai ana soligatulafono ma ia atotogi se $1.75 miliona o le sala.

Na teena e le Tamaitai se tete’e e faapea o gaoioiga a Mr.Silver e le’i pogai mai se tulaga faaleagaina e matua tele.” Fai mai le tamaitai o le tulaga tau faiga pi’opi’o na le mafai ai ona iloa pe o fai e alii ofisa o le malo ni faaiuga mo ni mafuaga tatau poo mo famanuiaga tau tupe o le tagata lava ia.

O ana soligatulafono”ua lafoia ai se ata i luga o mea uma lava na ia faia ma ua lafoia ai i totonu o le le mautinoa faaiuga faigata uma na fai e soo se tagata fai tulafono,” o le faaaliga lea a le faamasino. .E tatau ia Mr. Silver ona tuuina atu o ia i le aoauli o le aso 1 o Iulai; na talosagaina e ana loia ina ia tuuina tu o ia i le Federal Correctional Instituion i Otisville, Niu Ioka, o se falepuipui lauiloa lea mo lona masani lelei i le taofia o pagota, ia e pei o Mr.Silver, o Tagata Siu Orthodox.  

Fai mai Kovana Cuomo i le Aso Lua: “O le faaiuga o le asō ua auina au ai se fe’au faigofie e faapea o alii ofisa latou te faaaoga sese le talitonuga o tagata lautele o le a noatia ina ia mautali atu.  “Ia faatino le Amiotonu”  

08 May 2016, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>