Mana’omia se loia

Tusia Ilia L Likou ,

105 Hits

Va’alagoa Kamilo Faumuina.

Va’alagoa Kamilo Faumuina.

Ua toe tolopo atu nei i tua i le Aso 12 Mati le fa’amasinoga o Va’alagoa Kamilo Faumuina ma le fa’atonuga ina ia saili sana loia.

O Va’aloaga o lo’o ua tu’uaia i le fasiotiga o Uili Uili, 15 tausaga o Satapuala.

I se toe silasila ai i le amataga mai o lea fa’alavelave na fa’ailoa ai e nisi o ripoti e fa’apea o aiga o i latou ua moliaina nei ile maliu ai o se tamaititi e 15 tausaga le matua mai le afioaga o Satapuala ua faatulai ese nei ma le afioaga.

I le tulai mai ai o lenei mataupu na tulai mai ai ma se isi faalavelave lea na faatamaia ai le fale o se tasi o loo masalomia I se mu I le aoauli o le aso toanai.

Sa valaauina le matagaluega o leoleo ma o lea ua faatautaia ai nei se suesuega.

O loo masalomia sa faatupuina e se tagata lenei faalavelave.

I le faatalatalanoaina ai lava olea mataupu sa faailoa ai e le Pulenuu o le afioaga sa feiloai le nuú I le aoauli o le aso faraile ina ua maua le tino o lea tamaititi ua maliu o ia.

Sa ia taua sa tuuina atu se faasalaga, “E tatau ona totogina mai le $20,000 tala aó lei taina le itula e 4 I I le afiafi o le aso toanai ae a leai o le a mu loa le foaga.”

“E ui a I lea ae sa mafaufau totoa alii ma faipule o le afioaga I le lo tatou Tama ma lana silasila o lea na toe suia ai loa le faaiuga e tatau ona tulai ese.”

Sa taua e Vaili Mimita o lea faaiuga o le a faamautinoa I le aso gafua nei.

Sa maua atu e le Samoa Observer nisi o le aumaga faapea ai matai o le afioaga pe tusa lea ma le toa 30 oi latou ua toe agai ese mai le nofoaga o loo faapea ona aumau ai I latou nei e toa 5 lea o loo masalomia I le maliu ai o lea tamaititi e 15 tausaga le matua.

Sa faamaonia mai foi e Vaili e saó o se tasi o fale o I latou nei ua molia sa faatamaia lea I se mu.

Sa ia taua foi e leai lava se aafiaga o le afioaga e tusa ai ma le faalavelave ua tulai mai lea ua mu ai se tasi o fale.

“I le mataupu foi ua aliae mai o loo tuuina atu lava i lima o le matagaluega o leoleo latou te suesueina ma faatinoina le tulafono.

“E le avea ai lea ma itu o le a nofonofoaí ai le afioaga o Satapuala mai le faatinoina o latou titue e tatau ona saili.”

“I lou iloa iai e tusa ai ma faamatalaga na oo mai sa faaoolima ai I latou nei ua molia ma o latou tuú ai lava o ia seia uma lona ola.”

Sa taua foi e Vaili ua maea foi ona talosagaina e le afioaga le aiga o lea alo ua maliu ina ia aua nei toe taui atu ae ia faatupu pea le filemu. “Sa talosagaina foi le aiga e le nuú ina ia o latou maua le loto faamagalo Iai latou sa faaoo le oti I lenei tamaititi.”

“O soo se isi lava e le utagia le talosaga ale afioaga ina ia tausi le filemu o le a tuu atu iai le faasalaga talafeagai.”

“O lea ua faagasolo nei suesuega a le matagaluega o leoleo ae leo mafai ona faamaonia atu sa faatinoina e se tasi le susuina o le fale o se tasi o loo masalomia.”

“O lea o loo galulue faatasi lava le matagaluega o leoleo ma le afioaga e pei ona taua e Vaili.

© Samoa Observer 2016

Developed by Samoa Observer in Apia