E tagi lava i lima le atina’eina o le aiga - Lusa Tominiko

By Vatapuia Maiava 07 September 2016, 12:00AM

“E le’i fesoasoani mai lava le malo i le tau atina’eina o lo ma’ua aiga,” saunoaga lea le tamā i a Lusa Tominiko o Solosolo  i le fa’atalatalanoaga ma le Fofoga o Samoa.

Sa ia fa’ailoa o le tele o vaega i le tau atina’eina ai o lo la aiga, na galue lava e aunoa ma se fesoasoani na tu’uina atu e le malo e fesoasoani atu ai. 

“O le amataga mai o le aiga nei, ia  na tagi lava i lima, e le’i i ai se fesoasoani na aumai le malo, o seleni lava na sa’ilia e ma’ua mai i mea fafaga , o nai seleni mai uso ma tuafafine i fafo lea e fesoasoani tele i le taimi lenei.

“Ae o la’u ia lava talitonuga e tusa ma le fa’afesili , aua o si o ma aiga e lima vaivai lava i le taimi fa’atoā ma nonofo ai, o tupe lava na maua mai lima na fai ai le tele o le mau mea aemaise o le atina’ega o le aiga.

Na fa’amatalatala e le tamā o lo la’ua maota na fa’aleagaina e le afā ae le’i mafai ona maua se fesoasoani mai le Polokalame Faufale i Samoa.

“Sa i ai le Polokalame a le Housing lea na fai mo tupe fia nono aua le fa’aleleia o le tele o vaega na fa’aleagaina e Eveni.

“Na alu ai la si o’u to’alua ae fai mai na o  tagata faigaluega e mafai ona fai , o ‘i’ina tonu lava e pei e fa’a’autu ai se manatu.. a le’i  paū le fale muamua sa i ai, ae mulia’i ai loa fa’atoā fai le fale lea.

“Ia o le fa’alavelave lena  e fai ma povi, ma’umaga e ave fa’atau, ae pei lava o tagata faigaluega na tulituli mai le ofisa e mafai ona talosaga mo nonogatupe.

“Na ona fai mai lava ua i ai le suiga o le malo,ae leai a ni suiga, atonu o lae sui ona o fale tetele ma mea fa’apena ae le’o ‘o’o mai lava na suiga i aiga tau atia’e.

“E leai se mea e leaga ai mea fai  i totonu i Pulega o nu’u, o mea fa’alelotu , e leai se mea e leaga ai aua o mea nei e ala mai ai le manuia i nei vaitau.

By Vatapuia Maiava 07 September 2016, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>