O le Faletupe o le  National Bank of Samoa (N.B.S), e pulea e se tasi o le atunuu ma faagaoioia o se faletupu tau fetauaiga, ua i ai ni mafuaga se tele e tatau ai ona faamanatu. 

. I lenei vaiaso, o le a ofo atu e le faletupe se vaega tele o taumafaiga e faamanatu ai lo latou 20 tausaga ae faai’u i se sauniga mo tagata lautele lea o le a faia i le Sheraton Samoa Aggie Greys Hotel ma Bungalows i le afiafi o le Aso Faraile. 

Mai lona amataga faatauvaa i le avea ma pisinisi e pulea ma faafoe e se aiga i le totonugalemu o le 90, ua tupu talaulau le N.B.S. e avea ma tama taalo autu i totonu o faletupe a Samoa ma vaega tau fefaatauaiga. 

O le Aso Faraile nei o le a talimalo ai le Komiti o Faatonu ma le Pulega a le N.B.S.e ala i se saunoga aloa’ia e faafetaia ai ana paaga, le aufaigaluega ma i latou e aumaia oloa faapea foi le aloa’ia ma le faamanatuina o matati’a ua ‘ausia e le Faletupe. 

O le 1995 na amata ai e le aiga o Meredith lea faletupe ina ua latou vaaia se mana’oga mo se faletupe e lagolago i tagata Samoa ma pisinisi a Samoa.O le amataga lea o se mea faapitoa.  

O le Ofisa Sili o Pulega o Tu’u’u Amaramo Sialaoa, o lona valu lea o Ofisa Sili o Pulega a le kamupani ma le ‘tagata Samoa muamua lea” na ta’ita’ia le faletupe fai mai ua faaeaina o ia ina ua avea ma Ofisa Sili o Pulega o se faletupe e pulea e se tagata Samoa lea o loo matua lelelei lana tu’i i luga atu o lona mamafa.”

“O le asŏ ua ofo atu ai e le N.B.S. vaega uma tau le auaunaga i ana paaga, i itu e lua tau le tagata lava ia ma le pisinisi.O ia mea e aofia ai  teugatupe faasao, teugatupe tau siaki, faaunegatupe, avanoa tau aitalafu faaopoopo se’ia pa’ia le ofoina atu i se tulaga lelei o auaunaga faava-o-malo,” o le faaaliga lea a Tu’u’u.  

I le faagasologa o le 20 tausaga talu ai, sa faatinoina e le N.B.S.le anoano o suiga a’o tuputupu a’e ma toe faaleleia o ia lava ina ia talafeagai ma fesuiaiga o mana’oga o le maketi.

Na ta’ua e le Ofisa Sili o Pulega e faapea i se taimi e le’i mamao atu- sa faatinoina e le faletupe ni suiga iloga ina ia o faatasi ai ma le siosiomaga fesuisuia’i tau le teuina o tupe, ua una’ia e mana’o o paaga, tupe faa-aitalafu ma le faaaogaina o le tekonolosi fou.

“O loo faaauau pea ona matou fesiligia a matou paaga e uiga i mea latou te manaomia ma ia o faatasi ma faiga fou tau faletupe ma tekonolosi tau faamatalaga.. O se faataitaiga o lenei itu o le faaleleia atoa le o le IT systema a le Faletupe sa faatinoina i le tausaga talu ai-ina ia mafai ai e le faletupe ona faapea ua ia i latou le ‘faiga tau teugatupe o le Oracle matou te maua ai le avanoa lelei e tali atu ai i manaoga tau faamatalaga a paaga”

 “Ua ‘ou matua mitamita lava ona o le suiga ua i ai le faletupe ma ua mafai ona tutusa ma faletupe o le tele o malo  i fafo, o le faaaliga lea a Tu’u’u.

Ua le gata ina matou mafai ona faatutusa auaunga faavae tau tekonolosi, ae o lo matou mafai ona fetuuna’i ma faaaoga avanoa tau pisinisi ua mafai ona matou faatino i se tulaga vave ma faapea ai ona matou taitaina le maketi i nisi vaega.

Ae ui o lea, o le faatinoga tau tupe o le kamupani ua na o se fua lea e tasi o le manuia o le Faletupe.  .O loo matou naunau ia avea matou ma sitiseni lelei ma le mautu ma fai le mea matou te mafai ona fai e fesoasoani ai i lo matou atunuu ma le tamaoaiga o Samoa.  E tele a matou sini fou.ma fuafuaga e fesoasoani ai ia matou paaga e pei o le faaitiitia o le tau o le teuina o tupe faapea ma totogi a le faletupe ma tupe e totogi e paaga, e faaitiitia ai le fua faatatau o tului o faaunegatupe i se tulaga maulalo ae ofo atu se tupe faatumauina mo tagata teutupe ma mea faapena.

Ina ia ausia lenei tulaga e tatau ona matou tilotilo i la matou pisinisi i se ala e ese ai. E tatau ona matou maua le lagolago a o tatou tagata, faaaoga tekonolosi fou, faaolaola faiga-paaga tau pisinisi autu, ma ia faia se faiga faa-onapo nei- i le faiga e faataoioi ai la matou pisinisi.

“O se tasi o faamanuiaga aupito tele o nei taumafaiga e faapea ua matou tuuina atu ia matou paaga se avanoa e sili atu i auaunaga tau teuga-tupe e ala i fesootaiga tau telefoni feavea’i. teugatupe i le initeneti ma smarter ATMs, o le faaopoopoga lea a Tu’u’u  Ae matou te manaomia foi le faatino vave o se suiga lelei i amio a tagata Samoa ma le faiga tau le faasaoina o tupe ma tupe teu faafaigaluega-ma o le a matou tilotilo i nisi o oloa fou e fesoasoani ina ia ausia ai lenei faamoemoe.Ua matou vaaia o vaega nei o lo tatou tiute fai faatasi.” 

Ao tuputupu ae le tamaoaiga o Samoa ma sili atu ona faamoemoeina i le itu tau oloa e auina atu i fafo ma le turisi, o le a iina le N.B.S e lagolago pisinisi ma paaga e ala i auaunaga lelei e faatino e tagata ma tekonolosi o le a i ai.. 

O le Taitaifono o Matai’a Lynn Netzlwr, fai mai ua matua mitamita lava le kamupani i ona sootaga Samoa ma le mafai ona faaleleia le tauvaga.

E le gata ina matou mafai ona ofo atu ia matou paaga ni oloa uiga ese ma auaunaga, ae o polofiti e maua e le faletupe, o se fua lea o manuia, e taofi i totonu o Samoa ma e mafai ona toe tuuina atu e teu faafaigaluega i totonu o le atunuu ma pisinisi,” o le faaaliga lea a le Tamaitai.O le sauniga i le Aso Faraile 12 o Aokuso o se avanoa lea e faamanatu ai le sao o le N.B.S ua tuuina atu i tagata Samoa, ma faafetaia le lagolago a ana paaga, ma e latou te faifai mea faatasi. 

 “E leai so matou fiafia e sili atu i lo le talimalo i le faamanatuina o le 20 sefulu tausaga ,” o le N.B.S,” o le faaaliga lea a Lupesina Fred Grey, Faatonu o le Grey Investment.Group. O la matou pisinisi e faalagolago i le lagolago a faletpue i totonu o lo tatou atunuu lea e mafai ai ona matou tumau pea i totonu o Samoa ma teu faafaigaluega tupe i totonu o a tatou pisinisi Samoa. 

A fua i lana sootaga e mata-lua, ou te talitonu ua talafeagai le filifiliga a le N.B.S.e faatino le latou sauniga faapitoa i le fale talimalo e tele ona fu’a o le Sheraton Samoa Aggie Grey’s Hotele & Bungalows. O le sauniga o le faamanatuina o le 20 tausaga e faasino i e ua valaaulia ma ua i ai le faamoemoe o le a auai sui mai le Malo, faalapotopotoga, tagata mai fafo ma taitai o Ekalesia.