To’alua tama’ita’i ua fa’atauto e avea ma loia.

By Ilia L Likou 07 April 2016, 12:00AM

E to’alua ni tama’ita’i na fa’atauto i le vaiaso na se’i mavae atu nei e avea ma Loia.

O ia lea o Cata Seiuli mai Lalomanu ma Malie  ma le tama’itai i a Hana Gauta mai Sagone ma Lalolamalava.

O le Afioga i a Lesatele Rapi Va’ai na saunoa e fa’amanuia i taumafaiga na feagai ai i laua i le fa tausaga ua mavae.

“E le taumate le nofo tatalo ai o aiga, uo ma e masani a’o o oulua alo atu ai i lua a’oa’oga ina ia mafai ai ona toe a’e ma le manuia mai,” o lana saunoaga lea.

“Malo lava le tauivi, malo lava le taumafai.

Sa lagona le agaga fa’afetai ai o i la’ua nei ona o le lagolagosua ai o matua ma aiga a’o alo atu ai i la’ua i a’oa’oga.

“O le viiga e fa’afoi i le Atua ona ua i’u ma le manuia taumafaiga , e le gata i lea ae o le tapuaiga a aiga uo ma e masani,” Cata Seiuli ina ua maea le fa’atautoga.

“E le faigofie ae o ona o lo outou tatalo mai ua manuia ai mea uma….o la’u fa’afetai fa’apitoa i lo’u tama i a Seiuli Pepe Maualaivao , e pei o ia lava sa tu malosi i lo’u taumafai…fa’afetai tele lava mo galuega na e faia mo a’u…ia aemaise fo’i si o’u tina.

O lea le agaga e tasi na ta’ua e Hana Gauta. “Fa’afetai i le Atua, fa’afetai i si o’u tina aemaise o si o’u tamā ua fai i lagi le folauga,,, o o’u aiga uma ma uo ua a’e ma le manuia a’oa’oga na alo atu ai” Hana.

By Ilia L Likou 07 April 2016, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>