Tulimata’i le lumana’i

By Ilia L Likou 05 November 2017, 12:00AM

O le fia avea ai ma foma’i i le lumana’i o se miti lea o lo’o tulimata’ia e le tama’ita’i o Aigalotu Vaosia o Sagafili. 

O lo’o Tausaga 12 o ia i le Kolisi o Nu’uausala.

“E pei o la’u lava lea miti i mai lava o o’u laititi ia o lea lava ua ou matua o lo’o taumafai lava e tuli.” O lana tala mai lea.

“O le fiaavea ai ma foma’i ona o a’u ou te fiafia ou te fesoasoani i tagata e pei o lea lava le tulaga o lo’o o’u taumafai ai lava ai lava le taimi lenei ina ia ausia.

“O le itu mautinoa ia o le taumafai lava ina ia o’o i ai le lumana’i aua e tatau lava ona i ai se miti e te tulia, aua a leai lea tulaga ia o lona uiga o le matua’i ma’imau lava o le  taimi atoa.

“O lo’u ia lava lea manaoga lava i le taimi lenei.

Na ia fa’ailoa o le fai ai o se miti o se itu lelei tele lea.

“O le uiga o la’u tala, o le i ai o lea tulaga , ia e pei e fa’amalosi’au ai pea i a te a’u lava ia i le tele o taimi ina ia ou to’aga i le aoga.

“Ia taumafai e fai uma vaega uma aua lava le fesoasoani ai aiga, aemaise o nisi o vaega e fia fa’atinoina i lo’u olaga pe a ou matua.

“O se itu lelei tele lea i a te a’u ia, aua o le i ai o se miti e te tamo’e punoua’i ai le lumana’i o se itu lelei tele lea i a te a’u lava.

“Ina ia mafai ona fa’atinoina ai o so’o se vaega, aua o lea lava le itu e ao ai lava ona o matou to’aga i le aoga, aua lava se lumana’i manuia.

‘Afai ae taunu’u la’u miti lea ia ou te iloa lava e a’u ia o se fiafiaga tele lea i nai matua, aemaise o le tali atu i le tigaina e fa’atino i aso uma.

“E pei o lea lava le fa’amoemoega o lo’o i a te a’u le taimi lenei.

By Ilia L Likou 05 November 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>