Aganuu a le Aiga e mitamita ai

By Deidre Fanene 06 August 2016, 12:00AM

O le tamaitai taalo maoa’e a Samoa o Mry Opeloge, o le a avea ma ‘ave-fu’a a Samoa i le faagasologa o le sauniga o le tatalaina o Taaloga a le Olimepeka 2016 i Rio de Janeiro, i Brazil.

O le faatinoina la o lea tulaga, o le a na faaauauina ai pea le aganuu a le aiga o Opeloge –o le tauaveina lea o le Tagavai a Samoa, faatasi ai ma lona uso matua o Ele, lea foi na ia maua lea tulaga faaeaea i le 2008 ma le 2012. O lea faaaloalo o le a faamuta ai se tausaga uiga ese mo Mary Opeloge-o ia lea i taimi amata o lenei tausaga na ia maua ai le Sportswoman of the Year Award.  

O le sauniga e tatala ai Taaloga o le Olimepeka o le asŏ lea. Fai mai le Peresetene o le Faalapotopotooga o le Si’isi’i U’amea Mamafa a Samoa ma o le faia’oga foi lea o Tuaopepe Jerry Wallwork, o le faaiuga a le ‘Au a Samoa mo Mary e avea ma ‘ave fu’a-o se faaaloalo lea mo le taaloga.  “O Ele i le 2008 ma le 2012, i le taimi nei-o lona uso laititi ma i le avea ma tagata si’i-uamea mamafa,” o lana faaaliga lea. “Ua matou fiafia lava i le avea ma taaloga ma o le mea moni ua matou lagona le mitamita.” O le tamaitai o Opeloge e le o se tagata ese i lo tatou atunuu ma e faapea foi i isi tagata taalo uma i le lalolagi.

O loo tulaga lona ono o ia i totonu o le Lalolagi mo le Siisii U’amea Mamafa ma e tupuga mai o ia i se aiga logolotoā o tagata si’isi’i u’amea mamafa.

O ia o le uso laititi o Ele Opeloge lauiloa-lea foi sa tauva i taaloga a le Olimepeka i le 2008 ma le 2012. Fai mai Mary ua faaeaina o ia ina ua filifilia, aemaise ai le mea moni-o lana Taaloga Olimepeka muamua lenei. “Ua ou iloa faamoemoe ua tuuina mai ia i matou e lo tatou atunuu-o le mea lea o le a ma faasaga ai ma la’u uo o Nevo Ioane e fai le mea sili e mitamita ai Samoa,” o lana faaaliga lea.

“Ae mo le filifilia o a’u ou te tauaveina le tagavai a lo tatou atunuu-ua matua faaeaina a’u ma lagona ai le loto maulalo-ae o la’u vaaiga tausili-o le tuuina atu lea o Samoa i le tumutumu-ma o le fesoasoani mai o le Alii o le a fai ai a’u ma sui o lo tatou atunuu ma le mitamita.”Ina ua fesiligia e uiga i le avea ma vaega o le Olimepeka, fai mai a ia:  “O se lagona lea e ese ai mai tauvaga uma sa ‘ou auai. 

Samoa tapua’i mai.” “O lenei tulaga ua sili mamao atu i lo le mea sa ‘ou faamoemoeina, ae ua ‘ou mautinoa, talu ai ua leva ona ‘ou tapena mo lenei taimi –ma o se avanoa lenei e tasi i le olaga atoa. 

By Deidre Fanene 06 August 2016, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>