Galulue pea
Na maua le fa’atalatalanoaga a le Fofoga o Samoa ma Vaimoli Vaimoli i le aso ananafi na ia fa’ailoa ai le tulaga faigata o lo’o ua i ai nei le atunu’u.
“Ia ou te iloa o lea lava le soifuaga o lo’o ua i ai nei, ae o le itu mautinoa ia aua ne’i o tatou nofonofo ai.
“E ao lava ina o tatou fa’atino o vaega uma aua le aga’i ai i le lumana’i aua lava nai aoga.
“Ia o a’u ua leva na su’e sa’u galuega ma o le tausaga lea ua tuana’i ia na fiu e fealuai e leai ma se laki na maua.
“Ia o lea fo’i la ua amata le tausaga lenei, olea la ua fa’afetai ua maua sina galuega.
O letaimi lenei olo’o ua faigaluega Vaimoli i se tasi o ulugali’i i Lefaga.
“Ia o le galulue lava mo aiga.
“E i ai isi o’u uso olo’o faigaluega ia ma a’u lea olo’o ua fesoaosani tele i le taimi lenei.
“O lo’u iloa i ai e ao lava ona fesoasoani a’i ina ia mafai ona maua ai le faigofie o so’o se avega.
“E pei o lea lava le tulaga o lo’o va’ava’ai ai le taimi lenei.
Ia ae o le olaga lava ia i totonu o si o matou nu’u o lo’o sologa lelei mea uma. “E leai lava ni fa’afitauli tele , o lo’o fa’apena ona manuia so’o se taumafaiga o lo’o i ai ne i le tele o vaega fa’atino.
“Ia se’iloga lava fo’i ua mafai ona fa’atino ona fa’atoa mafai ai loa lea ona fa’atino o so’o se vaega lava. “O le taumafai lava e fa’atino o so’o se tulaga e manuia ai.
Na ia ta’ua o le olaga laba ia o lo’o ua i ai nei, ia o le galuega lava e tua i ai mo le tele o taimi.