Tupulaga manuia

By Ilia L Likou 04 December 2017, 12:00AM

O tupulaga o manuia o aiga, nu’u ma le ekalesia.

O lea le talitonuga o Moataga Tasolo i le Fofoga o Samoa i le aso ananafi. Na ia ta’ua o se itu lelei tele le ola ai pea lea e fa’alagolago i matua.

“Ia e pei o le isi lava lea tulaga o lo’o ua i ai nei, o le faigata lava lea ona iloa e tupulaga talavou e i ai lo latou sao taua mo le atina’eina o vaega uma.

“O le olaga e aga’i i le lumana’i ma o se itu e ao lava ona silasila i ai aua e le tumau ai pea ma nisi ma matua.

O lo’o faigaluega o ia i s etasi o kamupani i le taulaga.

“Ia e pei o lea lava le tulaga o lo’o ua i ai nei, ua faigata lava mea uma i le va’ava’ai atu ai, e o’o lava i le tau o le soifuaga.

“E pei o lea lava le mafuaga na afua ai lava ona va’avaai i tulaga uma e mafai ai ona fa’atino vaega uma mo le lelei alu i luma o lo’u nei tagata.

“O le maua ai o le galuega o se fiafiaga sili lea i a te a’u aua e  mautinoa le mafai ai lea ona ou fesoasoani ai aiga ma galuega fa’atino.

“O se itu mautinoa o le iloa lea ma mautinoa o vaega uma e mafai ona fa’atino aua le aga’i atu ai le lumanai.

‘Aemaise o galuega fai uma mo le lelei, aua o i matou ia o lumana’i ia o aiga ma nuu ma ekalesia, o le ola sogasoga ma le alofa i aiga, o mea uma ia e mafai ai ona fausia se tupulaga talavou e malosi ma toa le loto.

“Ia e pei o lea lava le ola ma le soifuaga e ao i a’i matou o tupulaga ona silasila i ai.

By Ilia L Likou 04 December 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>