Ola mautinoa
O le ola fa’alagolago i le Alii i so’o se tulaga o se itu taua tele lea.
O lea talitonuga o le ali’i i a Kavina Letoa i le fa’atalatalanoaga ma le Fofoga o Samoa.
“I a te a’u lava ia o se itu lelei tele le taumafai ai lea o tatou tagata aemaise o tupulaga talavou e fa’amuamua le Atua i mea uma.
“I lo’u ia talitonuga e pei o lea lava le tulaga o lo’o ua taumamao ai nei ma nai o tatou tagata, o le Alii ua mua lava ona faasili o mea e mananao ai o tatou loto ma le malosi ae galo lava Le e tatau ai le fa’amuamua.
Na ia ta’ua o le tele o vaega o le soifuaga o lo’o ua i ai nei o le taumafai pea lea ina ia a’oa’ina i le alofa le mavae o le Atua.
“I lo’u ia iloa i ai, o le talitonuga o l etele o nai o tatou tagata o se itu e ao lava ona o tatou iloa ma fa’alagolago i ai.
“E le tatau lava ona fa’agalo aiga, aua e pei o i tonu lava e fafau mai ai le ola o i tatou, a faaletonu lava la totonu o aiga.
“E pei o lea lava le tulaga o le a toso ai le ola ma le soifua o nai o tatou tagata i lo’u ia iloa i ai.
“O lea e ao ai lava i o tatou tagata ona fa’amuamua Le o lo’o mafai ona maua ai lo tatou malosi.
Na ia fa’ailoa o le tele o suiga nei ma ona itu le lelei ua mafua ona o le sese o le vaega ua tele ina ave ai le fa’amuamua.
“Ia e pei o lea lava le tulaga i lo’u ia iloa i ai, ma o se itu lelei tele lea i le silasila i ai o nai o tatou tagata aemaise o galuega fa’atino.
“Ia o fa’atasi le ta’uta’u o le Alii ma o tatou amio fa’aalia, aua ua na’o Iesu lava le tali i o tatou mafatiga.