Mana’omia se tanevai

Tusia Nefertiti Matatia ,

24 Hits

Avako Gose ma Akenese Gose.

Avako Gose ma Akenese Gose.

O le mana’omia ai o se tanevai mo le aiga o se itu lea na fa’ailoa e Avako i le Fofoga o Samoa.

Na ia ta’ua o le taimi lenei o se itu faigata tele o lo’o ua feagai ai ma le aiga.

“Ia e na’o le  tasi le afafine o lo’o faigaluega i le taimi lenei, ma o lo’u iloa i ai e faigata mea uma ona o le tulaga fo’i lea o le fiu lava e fa’atupu se tupe mo se tanevai.

“Ae o le fa’alavelave ia e le taitai ona lava se tupe mo lea tulaga.

Na ia fa’ailoa e tele lava le mana’omia o le suavai le taimi lenei mo le aiga.

“E pei mo le silafia ai o le faigata ai ona maua o se suavai o se tulaga faigata tele lea i a te a’u lava ia, ma o se itu taua tele le va’ava’ai ai pea mo se fesoasoani talafeagai.

“E lelei lava a leai se eletise ia e mafai lava ona ola ae a fa’aletonu le suavai ua o tatou iloa uma lava le faigata i a te a’u lava ia.

Na ia ta’ua e tatau lava ona fa’aaoga tatau le malosi mo le ola ai i taimi uma.

“Ia e pei o lea lava le tulaga o lo’o ua i ai, e pei o lea lava le mafua’aga o lo’o ua matua’i manaomia ai lava se fesoasoani mo vaega tau suavai.

“O si o matou aiga, ia e pei o lea lava le fa’afitauli tele o lo’o ua feagai ai nei, ma o se tanevai lava se tulaga o lo’o ua va’ava’ai atu ai le taimi lenei.

“Ua o tatou silafia uma lava le mana’omia o le suavai i le taimi lenei, ma o se itu taua tele lea tulaga i si o matou nei aiga.

© Samoa Observer 2016

Developed by Samoa Observer in Apia