Fia fa’aleleia auala
O le maua ai o le fa’atalatalanoaga ale Fofoga o Samoa ma Perenisi Titi na ia fa’ailoa ai le tulaga mana’omia o le fia fa’aleleia ai o auala o lo latou pitonu’u.
“E pei o lea lava le tulaga o lo’o i ai nei si o matou pito i Musumusu, Fagaloa o le itu mautinoa e le mafai e pasi ona sopoia ona o le leaga o le auala.
Na ia fa’ailoa ua loa tausaga o feagai lo latou pito ma lea fa’afitauli.
“E pei o lea lava le tulaga ua i ai le taimi lenei, ma o se itu ua leva na mana’omia ai le fesoasoani.
“E mo le silafia o se tulaga faigata tele o lo’o ua i ai le taimi lenei, ma o se itu mana’omia i lo’u lava ia iloa i ai.
“E faigata mea uma lava i le tagata lava ia, ae pei o auala o si o matou pito ua fai si leva ona feagai ai ma ua mana’omia le fa’aleleia.
“E tele lava itu taua e mana’omia ai auala lelei, ma ua leai lava se isi e le silafia lea tulaga.
Na ia ta’ua o le isi itu lea ua faigata ai lava ni pasi mo i latou.
“Ia o le mea moni lava e le taitai ona mana’o se tagata e avatu sana pasi e fa’afealua’i i o aua o le mea moni lava e uma ane ua matua’i leaga uma i le leaga faia o le auala.
‘O se itu e ao lava ona silasila i ai le malo mo sina fesoasaoni i si o matou pito.
O le isi itu faigata o lo’o feagai ma le au faifa’atoaga – o le uiga o la’u tala ia a omai le au fai fa’atoaga e fa’atau i tai e matua’i taugata lava pasese o ta’avale e fa’aaoga.
‘E pei o lea lava le tulaga o lo’o ua i ai le taimi lenei.
‘O se itu e ao ona silasila lelei i ai, aua e pei e faigofie pasi e ave ai taga talo i Apia aua e taugofie, ae o nei aso ia ua matua’i faigata lava.
“Na ia fa’ailoa o se itu lelei tele lea mo le aga’i ai luma i le lumana’i – ole fa’aleleia lea o a latou auala.