Mana’omia se galuega

By Aruna Lolani 04 June 2017, 12:00AM

Ua tele le suiga o Samoa o lo’o ua i ai le taimi lenei.

O lea le finagalo o Toga Siaki, 33 le matua o le afio’aga o Lauli’i ina ia maua le avanoa e fa’atalatalanoa ai ma le Fofoga o Samoa i le aso ananafi.

 “Ia e pei ona ua maitauina i lenei vaitau ua tele lava le suiga e pei ona ua i ai le taimi lenei.” O lana tala mai lea i le Fofoga o Samoa. “O le isi suiga tele o lo’o ua tatou i ai le taimi lenei o le taugata o le tau o le soifuaga, ma o se tulaga e ao ona o tatou mafaufau ai fo’i i ai , aua o le mea moni lava e le faigofie."

 “I a te a’u lava ia, o le tele o le mau tau o oloa o lo’o ua i ai le taimi lenei, o se itu tele lea o lo’o ua amata ona aga’i atu ai le va’ava’ai."

 “E le mau'oloa uma aiga, e mafai ai ona tula’i atu i le tele o le tau soifuaga o lo’o ua tatou i ai nei."

 “E le pei o aso ua alu sa tele lava ina gafatia e nai o tatou tagata le tau o le soifuaga, ae o nei aso, ia o lea lava le tulaga o lo’o ua i ai nei, ma o se itu lelei tele lea mo le aga’i atu ai le lumana’i."

“E pei ona o nai vaega nei e misia ai lava aso ua alu, aemaise o nai o tatou tua’a sa i ai i la aso."

“E pei sa faigofie mea uma, ona o le lelei alu i luma o le atunu’u i le tele o le mau mea olo’o mafai ona fa’atinoina."

Na ia fa’ailoa o le tulaga lelei lava o le taumafai lava lea galulue aua le atina’eina o aiga, aemaise o le ekalesia ma le atunu’u.

“O lea lava le tulaga, ua le toe gafatia le tele o le tau o oloa, ae pei o le galulue lava, o le a fesoasoani tele mo i tatou i lenei vaitau."

“E ao ina o tatou iloa, a le mafai fo’i ona o tatou galulue, ia o le a tutupu mala ma fa’afitauli i le lumana’i."

O Togi o lo’o tausailia se galuega i le taimi lenei.

By Aruna Lolani 04 June 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>