Ia aoga aso uma o lou olaga

By Fetalai Tuilulu’u 04 February 2017, 12:00AM

I le faatalatalanoaina ai o Kaiva Asiasi, 32 tausaga  mai le afioaga o Magiagi sa ia faalai manatu ai i lona talitonuga “O le galuega malosi ae le pale le tali e maua”

“Ua fitu nei o’u tausaga o o’u faigaluega I  le matagaluega o Tina ma Tamaitai I Sogi ile avea ai o a’u ma se tagata e kilivaiga meli. 

“E le maluelue lo’u taofi I le tele o faamanuiaga e maua I le galuega malosi atoa I ma le faamaoni ma le tuu iai le loto atoa. 

“Mai le fitu o ia tausaga sa mafia ai ona faamanauina ai se faailoga o le tagata finau, faamaoni ma galuega malosi la’u galuega I le faaiiuga le tausaga ga te’a nei 2016.

“O le ala foi lea le maututu lo’u taofi po le a lava le tuaiga galuega ete galuega ai o le mea pito sili na taua o le galue ma le faamaoni.

E talitonu foi Kaiva,  e le sala lava muagagana le atunuu, ae faamaoni I mea iti e tofia oe e pule I mea e tele. Sa ia faailoa foi le tele o avanoa faigaluega ma le saogalemu lelei o le olaga o loo tatou iai ae pau lava o lea, o le le faaoga tatau ma finau iai. E ui lava i ia vaega, o aso ua lelei o aso foi ua le lelei. 

“I le nofoaga o loo matou nonofo ai I Magiagi o se nofoaga le sefe ona o ala vai o loo faaleagaina ai matou eleele.

“O le foi eleele e tele sona aoga, aua e malu ma talafeagai e fai ai maumaga ma fatoaga. 

“Ia ae o le olaga lava o lo’o I ai le taimi lenei,ia o lo’o ua gasolosolo lelei uma lava, e  ui lava fo’I ina I ai fa’afitauli ae talitonu olo’o sologa lelei mea uma i le alofa ma le agalelei ole Atua.

“O lea lava fo’I le fa’amoemoega o lo’o ua I ai nei, ia taumafai ai pea e atina’e o so’o se vaega aua le lelei lautele o le atunu’u.

“Ia o le fa’amoemoe lava I le Atua e sologa lelei ai vaega uma.

By Fetalai Tuilulu’u 04 February 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>