Soifuaga i totonu o nu’u mavae

By Ilia L Likou 04 February 2017, 12:00AM

“Ia e leai lava ni mea o tutupu o lo’o i totonu o lo matou nu’u o a’u lava ia o lo’u olaga ia e sili lava le ola i totonu i nu’u ma afioaga.” Euta Siali’i o Fasito’o-Uta.

E tele le aoga na ia fa’ailoa o le lelei ai o le aga’i ai pea i totonu o faiganu’u.

“Ia o lo’u ia iloa i ai e leai lava se isi mea e sili atu ona lelei nai lo le nofo ai pulega a nu’u ma afio’aga ta’itasi.

“E ui lava ina tele nisi o vaega olo’o fa’apea e le aoga, ae o lo’u ia lava le iloa i ai, ia e pei e filemu lava le tele o vaega.

“O le to’atele o nisi ua tele ina omai ma nofoia le tele o vaega o le taulaga, ia ole filifiliga lava lea a le tagata ia.

“Ae o totonu ia ole nu’u ia olo’o tele lava ele’ele o lo’o tele ina galulue ai, ma o le olaga lava lea na ola mai ai nai tua’a ua mavae atu nei.

“Ia o le gataifale lava ma le ma’umaga na tele na fa’amoemoe ai, ia ma o lo’o i ai lava nu’u o lo’o o latou fa’atinoina nei vaega, e i ai lava fo’i i latou e le’o i ai lea tulaga.

“Ia ae pei e misia lava la aso, aua o totonu o aiga e faifai mea fa’atasi tagata uma ,e  leai se isi e fa’apea e fa’ama’amulu, ae o le itu lelei ia o le taumafai lava ina ia faia so’o se suiga mo nai o tatou afio’aga.

“Ia e pei lava ona fa’ailoa e le Palemia o le mea e lelei i Apia e lelei fo’i mo Savai’i ma o la’u ia titilo i ai, ia o lea lava le tulaga e tatau ona i ai.

“E pei e manaia ae toso mai fo’i nai polokalame mo si o matou fo’i pito e pei o a’oa’oga ina ia mafai ai pea ona maua avanoa tutusa mo tagata o si o tatou atunu’u.

“Ia aua o le olaga lava ia i totonu o afio’aga e mautu lava ma lelei, ,ma o se itu e ao ona o tatou nonofo ai pea.

“Ia aua ne’i mou atu ,  a ia fa’atumauina ai pea le so’otaga vavalalata i aso uma.

By Ilia L Likou 04 February 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>