Fa’aaoga tatau le taimi

By Ulimasao Fata 03 November 2017, 12:00AM

E leai se mea e maua ma se filemu.

O lea le finagalo fa’aalia o Sila Faitasi i le Fofoga o Samoa i le aso ananafi.

Na ia fa’ailoa o le taimi lenei e leai lava se mea e mafai ona fai pe a fai na’o le nofoa’i ae le gaioi e fua i le tau o le soifuaga ua i ai nei Samoa.

Na ia fa’ailoa o le taimi lenei o lo’o i le aiga o lona to’alua i Tanumalala.

“Ia e mo le silafia o a’u e to’afa la ma fanau ma le tinā o le aiga, ae o lo’u nu’u moni lava Patamea Savai’i.

“Na omai lava e asi aiga a si o’u to’alua ia o lea lava la e le’i fo’i i Savai’i ma o lo’u ia iloa i ai e leai lava se tulaga faigata pe a o tatou taumafai pea.

O lona lea finagalo ‘ia o le tulaga fo’i le le o le taumafai pea e atia’e aiga e pei fo’i la ona outou tau mai ia o lea lava e taumafai e fa’atau atu niu i le mamalu o le atunu’u ina ia mafai ona maua ai se tupe fa’asili.

“O lea lava le tulaga o lo’o i ai nei, ia ae o le taimi lenei e le’i maua lava se taimi e fo’i atu ai aiga i Savai’i ia se’i tau fa’asavili tasi fo’i le ea o Upolu.

Na ia fa’aalia o nei aso ua le toe faigofie.

“Ia e pei ona ou fa’ailoa atu ia o vaega nei o lo’o fesoasoani tele si o matou nei fo’i pito ma o le tele lava lena o nai tagata iinei, ia e fa’atau atu lava i luma o a latou tama’i fale oloa laiti vaega nei.

“Aua a le mafai ona fa’atinoina ia e leiloa pe a fa’afefea le olaga lenei, ae lelei lava le maua lava o si mea i lou lima ia ma e galue i ai.

“Ua o tatou iloa uma lava nei aso, a e le galue ia e le ‘’a’ai lou aiga aemaise lava lau fanau.

O Sila ua 29 nei le matua o le soifua.

By Ulimasao Fata 03 November 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>