Mana’omia se fesoasoani i se tane vai
O le maua ai o le fa’atalatalanoaga le Fofoga o Samoa ma Poefu’a Suluafi sa ia taua ai le manaia ma le matagoife o le olaga i totonu o nu’u ia ae iai foi nai fa’afitauli laiti.
O le tamā e 56 tausaga le matua le soifua mai le afioga o Failolo’o.
“O matou nei o lo’o lelei lava mea uma. O lana lea tala.
“O lo’o sologa lelei foi le tulaga tau le tausiga o aiga ma o le a lē toe o’o ai foi se fa’amatalaga.
“Ae tasi lava le tulaga o lo’o mafatia ai nei o le leai se sauavai.
“Silafia foi, o matou sa matou feola mai lava i nei ma o le fa’afitauli lava lea e feagai ai ma si o matou aiga i aso uma o le leai se suavai.
“Na talosagaina le matou suavai i tai le Pulega o suavai, ia o le aso lava e omai ai e fai le paipa e na’o le aso foi lena e maua ai le suavai.
“E pau lava lena o le maua o le vai, ia ona fa’atali foi laia i le timu.
“E toe paua lava lea o le vaega e le’o iai ae o vaega uma o lo’o lelei lava.
“O a’u e ofo, ua fia tausaga o talosaga ae sau foi le tali e le mautonu.
“Afai ae tele le aoga le suavai ia te outou e fa’apena foi le tele o se aoga ia te i matou foi.
“E mana’o mai lava si o matou aiga le suavai.
O si o matou aiga foi e ova ma le to’a 10 tagata e nonofo ai, ia e mana’omia lava le vai i aso uma e nei tagata.
“O le ala foi le ao lo’u fa’apea atu ua le toe uma le vaiaso i se tane vai.
“O si o matou aiga foi e leai se tasi e faigaluega, o le maumaga lava o lo’o tua ia.
“Pei ona taga’i atu o le afa o le fanua nei e tōtō ai talo ma fa’i.
“O le ala faigata foi lea o le leai se suavai, aua e leiloa po fea le tupe e fa’atau ai le suavai ao fea foi le tupe e tausi ai le aiga.
O lo’o mana’omia lava se fesoasoani tau suavai.
Mo se tasi e fia fesoasoani e iloa ina se tasi e maua ai se fesoasoani o sia tama ma lona aiga fa’afeso’otai le numera 7236696 .