O le tamā lava ia e tausi aiga

By Aruna Lolani 03 June 2017, 12:00AM

O le maua ai o le la fa’atalatalanoaga a le tamā ia Mafutaga Asia ma le Fofoga o Samoa sa ia fa’ailoa ai o le ola galuega o tagata uma e sili ona taua aua aiga ma lumana’i manuia. 

“O a’u e leiloa ola fa’alagolago ma ou te le mana’o e fa’alagolago i se tasi. 

“E pei o le ala foi le ao le asiasi mai o lea lava e galuega aua lava se tupe fa’asili. 

“Ia toe malolo mai foi le maumaga o lea tau va’ava’ai atu le tai is e taimi fagota, aua foi sina i’a o le afiafi. 

“O le manuia o aiga o lo’o i le ‘ele’ele.”

 “I le taimi lenei e pau le atina’e lea e maua ai la’u tupe o le fa’atoaga ma o lena seleni e fesoasoani ai le fanua mo si o matou aiga. 

 “O le fa’anaunauga lava ia te a’u ina ia lelei le lumana’i o le fanua ma ia ola faifia, aua nei ia se tasi e ola falolo.  

“I le taimi muamua lava sa fai ai la’u toaga talo e feololo lava o la’u tupe e maua i le aso pe a ave i le maketi

“O le itu lena lea ou te faiatu ai o manuia o aiga o lo’o i le ‘ele’ele ona o lea ou te molimau atu i le telē o le manuia e maua mai ai.

Ia ae iai foi ni fa’afitauli laiti. 

“O le tulaga le vai i nei si o matou nu’u e sua mai lava. 

“Peitai e o nisi o taimi e le mama ai ae maise lava pe a tetele mai timuga. 

“Ia mo le silafia, la’a atoa nei le masina talu na uma ai le tetele o timuga, peitai e o’o mai lava le taimi nei e le’o mama mai lava le paipa. 

“O le tulaga la nei le suavai, e pau lava se fesoasoani o se tane vai. 

“E mana’omia lava se tane vai e sefe ai le suavai ae maise la le vaitau o timuga. 

“E pei lava ona fa’alogo so’o lava, a leai se vai e leai foi se ola, e mana’omia tele le suavai. 

“O le itu foi le tau fa’aaoogaina loe fanau e fai lava sina faigata o le tele o taimi e leai se tupe. 

“O le sami lava ma le eleele e tua iai, o le isi itu e leai lava se tasi o maua e faigaluega, e maua ai se ala gatupe tumau.

By Aruna Lolani 03 June 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>