Tau o le Suauu mo le Masina o Me 2016
Ua faalauiloa mai e le Afioga i le Palemia/Sui Minisita o Tupe, le Afioga ia Tuilaepa Fatialofa Lupesoliai Sailele Malielegaoi, tau fou o le suauu e afua atu i le Aso 1 o Me 2016.
Na saunoa le Palemia o le a siitia le tau o le penisini i le 17sene mai le $1.96 i le $2.13 i le lita; o le a siitia le tiso i le 15sene mai le $1.84 i le $1.99sene i le lita; ma le karasini o le a siitia i le 14sene mai le $1.58 i le $1.72sene i le lita.
Na tulaga lelei le maketi o suauu i le lalolagi i le masina o Mati; ma afua ai le siitia o le tau o le suauu i Sigapoa i le $6.00 - $8.00 tala Amerika i le paelo; sa siitia foi le tau o fela’uaiga i luga o le vasa i le $0.65 tala Amerika i le tone.
Sa faailoa a le failautusi o le faalapotopotoga o atunuu o loo gaosia ma tufatufaina le suauu i le lalolagi i le masina o Mati – General Abdullah al-Badri o loo fuafua e siitia le tau o le suauu i se tulaga lelei ona o le lagolago a kamupani tetele o loo gaosia le suau u i le fonotaga i Doha i le aso 17 o Aperila.
Tau fou o le Suauu i Pamu Penisini: 1 – 31 Me 2016
Penisini - $2.13 i le lita
Tiso - $1.99 i le lita
Karasini - $1.72 i le lita
Afioga Tuilaepa Fatialofa Lupesoliai Sailele Malielegaoi
Palemia/Sui Minisita o Tupe